ഗാന്ധിജിയുടെ ചിതാഭസ്മം മോഷ്ടിച്ചു; പോസ്റ്ററില് 'രാജ്യദ്രോഹി' എന്നെഴുതിവച്ചു
നാഥുറാം ഗോഡ്സെയെ ആരാധിക്കുന്നവരാണ് ഇതിനു പിന്നിലെന്ന് കോണ്ഗ്രസ് ആരോപിച്ചു.
റേവാ: മധ്യപ്രദേശിലെ റേവയിലുള്ള ബാപ്പു ഭവനില് സൂക്ഷിച്ചിരുന്ന രാഷ്ട്രപിതാവ് മഹാത്മാഗാന്ധിയുടെ ചിതാഭസ്മം മോഷ്ടിക്കുകയും ഗാന്ധി ഭവനു പുറത്തെ പോസ്റ്ററില് 'രാജ്യദ്രോഹി'(രാഷ്ട്രദ്രോഹി)യെന്ന് ഹിന്ദിയില് എഴുതിവയ്ക്കുകയും ചെയ്തു. റേവ ജില്ലയിലെ ലക്ഷ്മണ് ബാഗിലെ ബാപ്പു ഭവനിലാണ് അതിക്രമം. മഹാത്മാ ഗാന്ധിയുടെ 150ാം ജന്മ വാര്ഷികം ആചരിക്കുന്നതിനിടെയാണ് സംഭവം. ഗാന്ധിജിയുടെ സ്മാരകത്തില് ആദരമര്പ്പിക്കാനെത്തിയ കോണ്ഗ്രസ് റേവാ ജില്ലാ പ്രസിഡന്റ് ഗുര്മീത് സിങും അനുയായികളുമാണ് സംഭവം ആദ്യം കണ്ടത്. ഇദ്ദേഹത്തിന്റെ പരാതിയിന്മേല് സെക്്ഷന് 153 ബി, 504, 505 വകുപ്പുകള് പ്രകാരം അജ്ഞാതര്ക്കെതിരേ പോലിസ് കേസെടുത്തു. കുറ്റവാളികളെ കണ്ടെത്താന് ഊര്ജ്ജിതശ്രമം നടത്തുകയാണെന്നും ബാപ്പു ഭവനിലെയും പരിസരങ്ങളിലെയും സിസിടിവി പരിശോധിക്കുകയാണെന്നും റേവാ ജസൂപ്രണ്ട് ഓഫ് പോലിസ് ആബിദ് ഖാന് ഇന്ത്യാ ടുഡേയോട് പറഞ്ഞു. ഗാന്ധിഘാതകന് നാഥുറാം ഗോഡ്സെയെ ആരാധിക്കുന്നവരാണ് ഇതിനു പിന്നിലെന്ന് കോണ്ഗ്രസ് ആരോപിച്ചു. പ്രതികളെ ഉടന് അറസ്റ്റ് ചെയ്യണമെന്നും കോണ്ഗ്രസ് ആവശ്യപ്പെട്ടു.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT