നഈം ഗഫൂര്‍ ഫ്രറ്റേണിറ്റി സംസ്ഥാന പ്രസിഡന്റ്

പറവൂര്‍: ഫ്രറ്റേണിറ്റി മൂവ്‌മെന്റിന്റെ രണ്ടു ദിവസം നീണ്ടുനിന്ന സംസ്ഥാന സമ്മേളനം പറവൂരില്‍ സമാപിച്ചു. 2025-27 കാലയളവിലെ സംസ്ഥാന പ്രസിഡന്റായി നഈം ഗഫൂറി(കോഴിക്കോട്)നെ തെരഞ്ഞെടുത്തു.

നഈം ഗഫൂര്‍

ജനറല്‍ സെക്രട്ടറിമാരായി ബാസിത് താനൂര്‍ (മലപ്പുറം), ഗോപു തോന്നക്കല്‍ (തിരുവനന്തപുരം), ടി കെ മുഹമ്മദ് സഈദ് (കോഴിക്കോട്) എന്നിവരെയും തെരഞ്ഞെടുത്തു. അമീന്‍ റിയാസ്, ഷമീമ സക്കീര്‍, ലബീബ് കായക്കൊടി, സാബിര്‍ അഹ്‌സന്‍ എന്നിവര്‍ വൈസ് പ്രസിഡന്റുമാരും മുഫീദ് കൊച്ചി, അന്‍വര്‍ സലാഹുദ്ദീന്‍, സുഹാന അബ്ദുല്‍ ലത്തീഫ്, സുനില്‍കുമാര്‍ അട്ടപ്പാടി, മുനീബ് എലങ്കമല്‍, രഞ്ജിത ജയരാജ്, അഡ്വ. അലി സവാദ് എന്നിവര്‍ സെക്രട്ടറിമാരുമാണ്.

സംസ്ഥാന സെക്രട്ടേറിയറ്റംഗങ്ങളായി മിസ്അബ് ശിബില്‍, ഇ പി സഹല, ടി എം ആഷിഖ് എന്നിവരെയും തെരഞ്ഞെടുത്തു. പുതുതായി തെരഞ്ഞെടുക്കപ്പെട്ട 40 അംഗ സംസ്ഥാന കമ്മറ്റിയില്‍ നിന്നാണ് സംസ്ഥാന ഭാരവാഹികളെ തെരഞ്ഞെടുത്തത്. വെല്‍ഫെയര്‍ പാര്‍ട്ടി സംസ്ഥാന പ്രസിഡന്റും ഉപദേശക കമ്മറ്റി ചെയര്‍മാനുമായ റസാഖ് പാലേരി തെരഞ്ഞെടുപ്പു നിയന്ത്രിച്ചു. വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി എസ് ഇര്‍ശാദ്, സെക്രട്ടറി വി എ ഫാഇസ്, സ്ഥാനമൊഴിയുന്ന പ്രസിഡന്റ് കെ എം ഷെഫ്‌റിന്‍ എന്നിവര്‍ പങ്കെടുത്തു.