നാല് ജില്ലകള് കൂടി 'സി' കാറ്റഗറിയില്;പൊതുപരിപാടികള് പാടില്ല, തിയറ്റര്, ജിംനേഷ്യം, നീന്തല്കുളങ്ങള് തുടങ്ങിയവ അടയ്ക്കും
ഇടുക്കി, കോട്ടയം, പത്തനംതിട്ട, കൊല്ലം ജില്ലകളെയാണ് പുതുതായി സി കാറ്റഗറിയില് ഉള്പ്പെടുത്തിയിരിക്കുന്നത്
തിരുവനന്തപുരം: സംസ്ഥാനത്ത് കൊവിഡ് വ്യാപനം തുടരുന്ന സാഹചര്യത്തില് കൂടുതല് ജില്ലകളില് നിയന്ത്രണം ഏര്പ്പെടുത്തി. ഇടുക്കി,കോട്ടയം,പത്തനംതിട്ട,കൊല്ലം ജില്ലകളെയാണ് പുതുതായി സി കാറ്റഗറിയില് ഉള്പ്പെടുത്തിയിരിക്കുന്നത്.ഇന്നു ചേര്ന്ന കൊവിഡ് അവലോകന യോഗത്തിലാണ് തീരുമാനം. ഇവിടെ പൊതുപരിപാടികള് പാടില്ല, തിയറ്റര്, ജിംനേഷ്യം, നീന്തല്കുളങ്ങള് തുടങ്ങിയവ അടയ്ക്കണം. ആരാധനാലയങ്ങളില് ഓണ്ലൈന് ആരാധന മാത്രമേ നടത്താവൂ.
ആശുപത്രിയില് പ്രവേശിപ്പിക്കപ്പെട്ടിട്ടുളള രോഗികളില് 25 ശതമാനത്തില് കൂടുതല് കൊവിഡ് രോഗികളാണെങ്കിലാണ് ഒരു ജില്ല കടുത്ത നിയന്ത്രണങ്ങളുളള 'സി' കാറ്റഗറിയില് വരുക. നിലവില് തിരുവനന്തപുരം മാത്രമാണ് 'സി' വിഭാഗത്തിലുളളത്. ഇടുക്കി,കോട്ടയം,പത്തനംതിട്ട ജില്ലകളില് കൊവിഡ് രോഗികളുടെ എണ്ണം 20 ശതമാനം കടന്നു. ആശുപത്രി സൗകര്യങ്ങള് കുറവായ ഇടുക്കിയില് 377 പേരാണ് ചികിത്സയിലുളളത്. 17 ഐസിയു കിടക്കകളും 23 ഓക്സിജന് കിടക്കകളുമാണ് കൊവിഡ് ചികിത്സയ്ക്കായി മാറ്റിവച്ചിരിക്കുന്നത്. 36 കിടക്കകളില് രോഗികളുണ്ട്.
കോട്ടയത്ത് ഇന്നലെ വരെയുളള കണക്കനുസരിച്ച് 826 രോഗികള് ചികിത്സയിലുണ്ട്. ആകെ രോഗികള് 21,249 ആയി ഉയര്ന്നു. 12,434 പേര് പോസിറ്റീവായ പത്തനംതിട്ടയില് 677 പേര് ആശുപത്രികളില് ചികിത്സയിലുണ്ട്. കോവിഡ് കിടക്കകള് പകുതിയിലേറെ നിറഞ്ഞു. മലപ്പുറത്തും,കോഴിക്കോടും രോഗബാധിരുടെ എണ്ണമുയരുന്നുണ്ട്. ഈ ജില്ലകളിലും കൂടുതല് നിയന്ത്രണങ്ങള് വന്നേക്കും. ജില്ല തിരിച്ച് ഏര്പ്പെടുത്തിയിരിക്കുന്ന ആള്ക്കൂട്ട നിയന്ത്രണത്തോട് ജനങ്ങള് സഹകരിക്കുന്നുവെന്നാണ് വിലയിരുത്തല്.
RELATED STORIES
വര്ഗീയ വിദ്വേഷ പ്രചാരണം; ഏഷ്യാനെറ്റ് സുവര്ണ ന്യൂസിനും അവതാരകനുമെതിരേ ...
13 May 2024 5:28 PM GMTമുംബൈയിൽ കൂറ്റൻ പരസ്യ ബോർഡ് പൊട്ടി വീണ് 8 മരണം
13 May 2024 5:03 PM GMTപൊന്നാനി ബോട്ടപകടം: പരിക്കേറ്റവർക്ക് അടിയന്തിര ധനസഹായം നൽകണം -എസ്ഡിപിഐ
13 May 2024 2:41 PM GMTഅജ്മീറിൽ മദ്റസ അധ്യാപകനെ കൊലപ്പെടുത്തിയ സംഭവം: ആറ് വിദ്യാർഥികൾ...
13 May 2024 12:59 PM GMTപ്രിയ വർഗീസിന്റെ നിയമനം: കേന്ദ്ര ചട്ടങ്ങളിൽനിന്ന് വ്യതിചലിക്കാൻ...
13 May 2024 10:55 AM GMTപ്രണയം നിരസിച്ചതിന് അരുംകൊല; വിഷ്ണുപ്രിയ കൊലക്കേസിൽ പ്രതിക്ക്...
13 May 2024 10:25 AM GMT