ഫാര്‍മസിയില്‍ മരുന്നുവാങ്ങാന്‍ നിന്നയാള്‍ക്ക് നായയുടെ കടിയേറ്റു

തൃശൂര്‍: മെഡിക്കല്‍ കോളജ് ആശുപത്രിയിലെ ഫാര്‍മസിയില്‍ മരുന്ന് വാങ്ങാന്‍ നിന്ന രോഗിക്ക് തെരുവുനായയുടെ കടിയേറ്റു. മുത്തു എന്ന രോഗിക്കാണ് കടിയേറ്റത്. ഇന്ന് ഉച്ചയ്ക്ക് ശേഷമാണ് സംഭവം. ഫാര്‍മസിയോട് ചേര്‍ന്ന് മാലിന്യം കൂട്ടിയിട്ടിരുന്ന സ്ഥലത്തെ വാതില്‍ തുറന്ന് കിടന്നതാണ് നായ അകത്തു കയറാന്‍ ഇടയാക്കിയത്. കടിയേറ്റ ആള്‍ക്ക് മതിയായ ചികിത്സ നല്‍കാന്‍ നിര്‍ദേശം നല്‍കിയതായി ആശുപത്രി സൂപ്രണ്ട് അറിയിച്ചു.