നിയമസഭാ തിരഞ്ഞെടുപ്പുമായി ബന്ധപ്പെട്ട പ്രതിഷേധങ്ങള്: കുറ്റിയാടി സിപിഎം ലോക്കല് കമ്മിറ്റി പിരിച്ചുവിട്ടു
കുറ്റിയാടി: നിയമസഭാ തിരഞ്ഞെടുപ്പുമായി ബന്ധപ്പെട്ട പ്രതിഷേധങ്ങളില് കടുത്ത നടപടിയുമായി സിപിഎം. കുറ്റിയാടി സിപിഎം ലോക്കല് കമ്മിറ്റി ജില്ലാ നേതൃത്വം പിരിച്ചുവിട്ടു. സ്ഥലം എംഎല്എ കെപി കുഞ്ഞമ്മദ് കുട്ടി മാസ്റ്ററെ ജില്ലാ സെക്രട്ടറിയേറ്റില് നിന്ന് ജില്ലാ കമ്മിറ്റിയിലേക്ക് സ്ഥലം മാറ്റിയതിന് പിന്നാലെയാണ് താഴെത്തട്ടിലെ നടപടി.
കുന്നുമ്മല് ഏരിയ കമ്മിറ്റിയിലെ രണ്ട് പേരെ പുറത്താക്കിയിട്ടുണ്ട്. കുറ്റിയാടി ബ്ലോക്ക് പഞ്ചായത്ത് പ്രസിഡന്റും സിപിഎം കുന്നുമ്മല് ഏരിയ കമ്മിറ്റി അംഗവുമായ കെപി ചന്ദ്രി, മറ്റൊരു അംഗം ടികെ മോഹന്ദാസ് എന്നിവരെയാണ് ഏരിയാ കമ്മിറ്റിയില് നിന്ന പുറത്താക്കിയത്.
സ്ഥാനാര്ത്ഥി നിര്ണയത്തില് കുറ്റിയാടിയിലുണ്ടായ പ്രതിഷേധം, തെരഞ്ഞെടുപ്പിലെ വോട്ടു ചോര്ച്ച എന്നീ രണ്ട് കാര്യങ്ങള് പരിശോധിച്ചാണ് നേതൃത്വത്തിന്റെ നടപടി. കുഞ്ഞമ്മദ് കുട്ടി മാസ്റ്റര് വിജയിച്ച വേളയില് തന്നെ അദ്ദേഹത്തിന്റെ പഞ്ചായത്തായ കുറ്റിയാടിയില് സിപിഎം ലീഡ് 42 വോട്ടു മാത്രമായിരുന്നു. അവിടെ വിമത പ്രവര്ത്തനം നടന്നുവെന്നാണ് നേതൃത്വത്തിന്റെ വിലയിരുത്തല്.
നിയമസഭാ തിരഞ്ഞെടുപ്പില് കുറ്റിയാടി സീറ്റ് കേരള കോണ്ഗ്രസിന് നല്കിയതില് പ്രതിഷേധിച്ചു നടന്ന പരസ്യ പ്രകടനമാണ് പാര്ട്ടി നടപടികള്ക്ക് ആധാരം. നേരത്തെ ഇതുമായി ബന്ധപ്പെട്ട് ഏരിയ കമ്മിറ്റി അംഗങ്ങളായ ടി.കെ.മോഹന്ദാസ്, കെ.പി.ചന്ദ്രി, കുന്നുമ്മല് കണാരന് എന്നിവരോടാണ് പാര്ട്ടി വിശദീകരണം തേടിയിരുന്നു.
RELATED STORIES
കോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMTപ്രധാനമന്ത്രി ഭയന്നിരിക്കുന്നു; കുറച്ച് ദിവസം കഴിഞ്ഞാല് മോദി...
26 April 2024 11:06 AM GMTപത്തനംതിട്ടയില് ചിഹ്നം മാറിയെന്ന് പരാതി; വിവിപാറ്റില് കാണിച്ചത് താമര
26 April 2024 10:56 AM GMTറായ്ബറേലിയിൽ പ്രിയങ്കയ്ക്കെതിരെ മത്സരിക്കാനുള്ള ബിജെപി നിർദേശം തള്ളി...
26 April 2024 10:46 AM GMTരഞ്ജി താരങ്ങൾക്ക് ഒരു കോടി രൂപ പ്രതിഫലം; നിർണായക നീക്കവുമായി ബിസിസിഐ
26 April 2024 10:44 AM GMTകര്ണാടകയില് 4.8 കോടി രൂപ പിടിച്ചെടുത്തു; ബിജെപി സ്ഥാനാര്ഥിക്കെതിരേ...
26 April 2024 10:44 AM GMT