- Home
- Latest News
- news line
- Districts
- Kerala
- India
- World
- Sports
- Videos+
- Arogyathejas
- Around The Globe
- Bomb Squad
- Charithrapadham
- Cinimayude Varthamanam
- Cut 'n' Right
- Editors Voice
- Hridaya Thejas
- In Focus
- In Quest
- India Scan
- Kalikkalam
- Marupaksham
- NEWS LINE
- Nireekshanam
- Pusthakavicharam
- RAMADAN VICHARAM
- Samantharam
- Shani Dasha
- Swathwa Vicharam
- Vazhivelicham
- VideoNews
- World in Words
- Yathra
- voice over
- Sub Lead
സംസ്ഥാനത്ത് ഇന്ന് 821 പേര്ക്ക് കൊവിഡ്; ആകെ മരണം 42 ആയി
629 പേര്ക്ക് രോഗം ബാധിച്ചത് സമ്പര്ക്കത്തിലൂടെ

തിരുവനന്തപുരം: സംസ്ഥാനത്ത് ഇന്ന് 821 പേര്ക്ക് കൊവിഡ് സ്ഥിരീകരിച്ചു. ഇന്ന് രണ്ടുമരണം റിപോര്ട്ട് ചെയ്തു.കണ്ണൂര് ജില്ലയില് ചികില്സയിലായിരുന്ന കാസര്കോഡ് ഉപ്പള സ്വദേശിനി നഫീസ(75), എറണാകുളം ജില്ലയില് ചികില്സയിലായിരുന്ന ആലുവ സ്വദേശി കുഞ്ഞുവീരന്(67) എന്നിവര് മരണപ്പെട്ടു. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 42 ആയി.
ജില്ല തിരിച്ചുള്ള കണക്ക്: തിരുവനന്തപുരം-222, എറണാകുളം-98, പാലക്കാട്-81, കൊല്ലം-75, തൃശൂര്-61, കാസര്കോഡ്-57, ആലപ്പുഴ-52, ഇടുക്കി-49, പത്തനംതിട്ട-35, കോഴിക്കോട്-32, മലപ്പുറം-25, കോട്ടയം-20, കണ്ണൂര്-13, വയനാട്-1 എന്നിങ്ങനെയാണ് രോഗബാധിതര്.
ഇന്ന് രോഗം സ്ഥിരീകരിച്ചവരില് 110 പേര് വിദേശ രാജ്യങ്ങളില് നിന്നും 69 പേര് മറ്റ് സംസ്ഥാനങ്ങളില് നിന്നും വന്നതാണ്. 629 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 43 പേരുടെ സമ്പര്ക്ക ഉറവിടം വ്യക്തമല്ല. തിരുവനന്തപുരം ജില്ലയിലെ 203 പേര്ക്കും, എറണാകുളം ജില്ലയിലെ 84 പേര്ക്കും, പാലക്കാട് ജില്ലയിലെ 70 പേര്ക്കും, കൊല്ലം ജില്ലയിലെ 61 പേര്ക്കും, കാസര്ഗോഡ് ജില്ലയിലെ 48 പേര്ക്കും, ആലപ്പുഴ ജില്ലയിലെ 34 പേര്ക്കും, ഇടുക്കി ജില്ലയിലെ 28 പേര്ക്കും, തൃശൂര് ജില്ലയിലെ 27 പേര്ക്കും, കോഴിക്കോട് ജില്ലയിലെ 26 പേര്ക്കും, പത്തനംതിട്ട ജില്ലയിലെ 24 പേര്ക്കും, കോട്ടയം ജില്ലയിലെ 12 പേര്ക്കും, മലപ്പുറം ജില്ലയിലെ 10 പേര്ക്കും, കണ്ണൂര് ജില്ലയിലെ 2 പേര്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
13 ആരോഗ്യ പ്രവര്ത്തകര്ക്കും രോഗം ബാധിച്ചു. തിരുവനന്തപുരം ജില്ലയിലെ 6, എറണാകുളം ജില്ലയിലെ 4, ഇടുക്കി, കോഴിക്കോട്, കാസര്കോഡ് ജില്ലകളിലെ ഒന്ന് വീതവും ആരോഗ്യ പ്രവര്ത്തകര്ക്കാണ് രോഗം സ്ഥിരീകരിച്ചത്. രോഗം സ്ഥിരീകരിച്ച് ചികില്സയിലായിരുന്ന 172 പേരുടെ പരിശോധനാഫലം നെഗറ്റീവായി. ആലപ്പുഴ ജില്ലയില് നിന്നുള്ള 32 പേരുടെയും, തിരുവനന്തപുരം ജില്ലയില് നിന്നുള്ള 25 പേരുടെയും (ആലപ്പുഴ 1, കൊല്ലം 1, പത്തനംതിട്ട1), തൃശൂര്, കണ്ണൂര് ജില്ലകളില് നിന്നുള്ള 21 പേരുടെ വീതവും, പത്തനംതിട്ട ജില്ലയില് നിന്നുള്ള 16 പേരുടെയും, കാസര്കോട് ജില്ലയില് നിന്നുള്ള 12 പേരുടെയും, പാലക്കാട് ജില്ലയില് നിന്നും 11 പേരുടെയും, കോട്ടയം, കോഴിക്കോട് (തിരുവനന്തപുരം1) ജില്ലകളില് നിന്നുള്ള 9 പേരുടെ വീതവും, എറണാകുളം ജില്ലയില് നിന്നുള്ള 8 പേരുടെയും (ആലപ്പുഴ 1), ഇടുക്കി ജില്ലയില് നിന്നുള്ള 5 പേരുടെയും, കൊല്ലം ജില്ലയില് നിന്നുള്ള 3 പേരുടെയും പരിശോധനാഫലം ആണ് ഇന്ന് നെഗറ്റീവ് ആയത്. ഇതോടെ 7063 പേരാണ് രോഗം സ്ഥിരീകരിച്ച് ഇനി ചികില്സയിലുള്ളത്. 5373 പേര് ഇതുവരെ കൊവിഡില് നിന്നു മുക്തി നേടി.
സംസ്ഥാനത്തെ വിവിധ ജില്ലകളിലായി 1,70,525 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,63,216 പേര് വീട്/ഇന്സ്റ്റിറ്റിയൂഷനല് ക്വാറന്റൈനിലും 7309 പേര് ആശുപത്രികളിലും നിരീക്ഷണത്തിലാണ്. 866 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. കഴിഞ്ഞ 24 മണിക്കൂറിനിടെ 18,267 സാംപിളുകളാണ് പരിശോധിച്ചത്. റുട്ടീന് സാംപിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 5,32,505 സാംപിളുകളാണ് പരിശോധനയ്ക്കായി അയച്ചത്. ഇതില് 5060 സാംപിളുകളുടെ പരിശോധനാ ഫലം വരാനുണ്ട്. ഇതില് സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, ഇതര സംസ്ഥാന തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 96,288 സാംപിളുകള് ശേഖരിച്ചതില് 9,15,66 സാംപിളുകള് നെഗറ്റീവ് ആയി.
ഇന്ന് 26 പുതിയ ഹോട്ട് സ്പോട്ടുകളാണുള്ളത്. തൃശൂര് ജില്ലയിലെ കൊരട്ടി(കണ്ടൈന്മെന്റ് സോണ് വാര്ഡ് 1), താന്ന്യം (9, 10), കടവല്ലൂര് (18), കാറളം (13, 14), തൃശൂര് കോര്പറേഷന്(49), പത്തനംതിട്ട ജില്ലയിലെ വടശേരിക്കര (1), കുന്നന്താനം (5, 8), നിരണം (13), പള്ളിക്കല് (3), റാന്നി പഴവങ്ങാടി (12, 13, 14), കണ്ണൂര് ജില്ലയിലെ തില്ലങ്കേരി (10), ഇരിക്കൂര് (4), ചെറുതാഴം (14), നടുവില് (17), കൊല്ലം ജില്ലയിലെ ചിതറ (എല്ലാ വാര്ഡുകളും), കുമ്മിള് (എല്ലാ വാര്ഡുകളും), കടയ്ക്കല് (എല്ലാ വാര്ഡുകളും), എറണാകുളം ജില്ലയിലെ മരട് മുന്സിപ്പാലിറ്റി (23, 24, 25), മുളന്തുരുത്തി (7), മൂക്കന്നൂര് (7), പാലക്കാട് ജില്ലയിലെ പട്ടാമ്പി മുന്സിപ്പാലിറ്റി (എല്ലാ വാര്ഡുകളും), ഒറ്റപ്പാലം മുന്സിപ്പാലിറ്റി (18), കോട്ടയം ജില്ലയിലെ വെച്ചൂര് (3), മറവന്തുരുത്ത് (11, 12), വയനാട് ജില്ലയിലെ വെള്ളമുണ്ട (9), ആലപ്പുഴ ജില്ലയിലെ ദേവികുളങ്ങര (13) എന്നിവയാണ് പുതിയ ഹോട്ട് സ്പോട്ടുകള്.
ഏഴു പ്രദേശങ്ങളെ ഹോട്ട് സ്പോട്ടില് നിന്ന് ഒഴിവാക്കിയിട്ടുണ്ട്. കണ്ണൂര് ജില്ലയിലെ ചെറുകുന്ന് (കണ്ടൈന്മെന്റ് സോണ്: 12), പിണറായി(9), കുറ്റിയാട്ടൂര്(13), ഏഴോം(7), മാട്ടൂല്(10), തൃശൂര് ജില്ലയിലെ അരിമ്പൂര്(5), ആതിരപ്പള്ളി(4) എന്നീ പ്രദേശങ്ങളെയാണ് കണ്ടൈന്മെന്റ് സോണില് നിന്നു ഒഴിവാക്കിയത്. നിലവില് ആകെ 318 ഹോട്ട് സ്പോട്ടുകളാണ് ഉള്ളത്.
Covid: 821 more case today in Kerala; Total death toll was 42
RELATED STORIES
പുരി ജഗന്നാഥ ക്ഷേത്രത്തിലെ രഥയാത്രാ ഉല്സവത്തിനിടെ തിക്കുംതിരക്കും;...
27 Jun 2025 5:52 PM GMTവെസ്റ്റിന്ഡീസ് ക്രിക്കറ്റിന് ഞെട്ടല്; സൂപ്പര്താരത്തിനെതിരേ ലൈംഗിക...
27 Jun 2025 5:38 PM GMTവി എ അരുണ് കുമാറിന്റെ നിയമനം അന്വേഷിക്കാന് ഹൈക്കോടതി ഉത്തരവ്
27 Jun 2025 4:20 PM GMT53 കോടിയുടെ സ്വര്ണ കൊള്ള: ബാങ്ക് മാനേജര് അടക്കം മൂന്നു പേര്...
27 Jun 2025 4:13 PM GMTകൊടിഞ്ഞി ഫൈസല് വധക്കേസ്: സാക്ഷി വിസ്താരം ജൂലൈ ഒന്നിന് തുടങ്ങും
27 Jun 2025 4:02 PM GMTഎറണാകുളത്ത് ആഫ്രിക്കന് പന്നിപ്പനി സ്ഥിരീകരിച്ചു
27 Jun 2025 2:44 PM GMT