കൊവിഡ് 19: സൗദി അറേബ്യയില് കര്ഫ്യൂ അനിശ്ചിതകാലത്തേക്ക് നീട്ടി
റിയാദ്: കൊവിഡ് 19 വ്യാപനം തടയുന്നതിനു വേണ്ടി പ്രഖ്യാപിച്ച കര്ഫ്യൂ സൗദിയില് അനിശ്ചിതകാലത്തേക്ക് നീട്ടി. ആരോഗ്യ മന്ത്രാലയം ഉള്പ്പെടെയുള്ളവയുടെ ശുപാര്ശ പ്രകാരമാണ് കര്ഫ്യൂ അനിശ്ചിതകാലത്തേക്ക് നീട്ടാന് സല്മാന് രാജാവ് ഉത്തരവിട്ടത്. ഇക്കഴിഞ്ഞ മാര്ച്ച് 22ന് സൗദിയില് 21 ദിവസത്തേക്ക് ഏര്പ്പെടുത്തിയ കര്ഫ്യൂ ഇന്നലെ അര്ധ രാത്രി പൂര്ത്തിയാവുന്നതിനിടെയാണ് നീട്ടിക്കൊണ്ട് ഉത്തരവിട്ടത്. കൊവിഡ് പ്രതിരോധ പ്രവര്ത്തനം തുടരുന്നതിനാലാണ് നടപടി. പ്രതിരോധപ്രവര്ത്തനങ്ങള് പൂര്ണമായും നിയന്ത്രണ വിധേയമായാല് മാത്രമേ ഇനി കര്ഫ്യൂ പിന്വലിക്കുകയുള്ളൂ. കര്ഫ്യൂ അനിശ്ചിതമായി നീളുന്നതിനാല് മറ്റു രാജ്യങ്ങളിലേക്കുള്ള വിമാന സര്വീസും വൈകുമെന്നാണു സൂചന. എന്നാല്, നിലവില് സ്വദേശികളെ നാട്ടിലേക്കെത്തിക്കാന് വിദേശത്തു നിന്നു സൗദി എയര്ലൈന്സ് നിലവില് സര്വീസ് നടത്തുന്നുണ്ട്.
എല്ലാവരുടെയും സുരക്ഷയും ആരോഗ്യവും സംരക്ഷിക്കുന്നതിനു സല്മാന് രാജാവിന്റെ നിര്ദേശം പാലിക്കണമെന്നും നേരത്തേ പ്രഖ്യാപിച്ച നിയന്ത്രണങ്ങള് തുടരുമെന്നും ആഭ്യന്തര മന്ത്രായലയം അറിയിച്ചു. അതിനിടെ, സൗദിയില് കൊവിഡ് രോഗബാധിതരുടെ നാലായിരം കടന്നു. ശനിയാഴ്ച മാത്രം പുതുതായി 382 പേര്ക്കാണ് രോഗം സ്ഥിരീകരിച്ചത്. അഞ്ച് പേര് മരണപ്പെടുകയും ചെയ്തു. രാജ്യത്ത് കൊവിഡ് ബാധിച്ച് ആകെ 52 പേരാണ് മരണപ്പെട്ടത്.
RELATED STORIES
അമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT'ഭയത്തോട് കൂടി ഒരു മനുഷ്യനെങ്കിലും രാജ്യത്ത് ജീവിക്കുകയാണെങ്കിൽ അത്...
29 March 2024 6:12 AM GMT