കൊവിഡ് 19: ദോഹയില് നിന്ന് 183 പ്രവാസികള് കൂടി കരിപ്പൂരെത്തി
കരിപ്പൂര്: കൊവിഡിന്റെ പശ്ചാത്തലത്തില് ദോഹയില് നിന്നുള്ള ഐ എക്സ് 374 എയര് ഇന്ത്യ എക്സ്പ്രസ് വിമാനം 183 യാത്രക്കാരുമായി കരിപ്പൂരിലെ കോഴിക്കോട് അന്താരാഷ്ട്ര വിമാനത്താവളത്തിലെത്തി. രാത്രി 10.30 നാണ് വിമാനം കരിപ്പൂര് വിമാനത്താവളത്തിലെ റണ്വേയില് ഇറങ്ങിയത്. ഒമ്പത് ജില്ലകളില് നിന്നായി 181 പേരും രണ്ട് തമിഴ്നാട് സ്വദേശികളുമാണ് വിമാനത്തിലുണ്ടായിരുന്നത്. 65 വയസ്സിന് മുകളില് പ്രായമുള്ള 15 പേര്, 10 വയസ്സിനു താഴെ പ്രായമുള്ള 44 കുട്ടികള്, 61 ഗര്ഭിണികള് എന്നിവരും സംഘത്തിലുണ്ടായിരുന്നു.
കൊവിഡ് ജാഗ്രതാ നിര്ദേശങ്ങള് പൂര്ണമായും പാലിച്ച് ജില്ലാ പോലിസ് മേധാവി യു അബ്ദുല് കരീം, അസി. കലക്ടര് രാജീവ് കുമാര് ചൗധരി, ജില്ലാ മെഡിക്കല് ഓഫിസര് ഡോ. കെ സക്കീന, ഡെപ്യൂട്ടി കലക്ടര് ഡോ. ജെ ഒ അരുണ്, കൊവിഡ് ലെയ്സണ് ഓഫിസര് ഡോ. എം പി ഷാഹുല് ഹമീദ്, വിമാനത്താവള ഡയറക്ടര് കെ ശ്രീനിവാസറാവു തുടങ്ങിയവര് യാത്രക്കാരെ സ്വീകരിച്ചു.
മലപ്പുറം-44, ആലപ്പുഴ-ഒന്ന്, എറണാകുളം-ഒന്ന്, കണ്ണൂര്-24, കാസര്കോഡ്-17, കോഴിക്കോട്-73, പാലക്കാട്-17, തൃശൂര്-രണ്ട്, വയനാട്-രണ്ട്്, രണ്ട് തമിഴ്നാട് സ്വദേശികള് എന്നിങ്ങനെയാണ് സംഘത്തിലുണ്ടായിരുന്നത്. നാലുപേരെ വിവിധ ആരോഗ്യ പ്രശ്നങ്ങളാല് ആശുപത്രികളില് പ്രവേശിപ്പിച്ചു. ഇതില് കണ്ണൂര് സ്വദേശിക്കു മാത്രമാണ് കൊവിഡ് ലക്ഷണങ്ങള് കണ്ടത്. ഇയാളെ കോഴിക്കോട് ഗവ. മെഡിക്കല് കോളജ് ആശുപത്രിയില് പ്രവേശിപ്പിച്ചു. വിവിധ ആരോഗ്യ പ്രശനങ്ങളുള്ള രണ്ട് കോഴിക്കോട് സ്വദേശികളെ മഞ്ചേരി ഗവ. മെഡിക്കല് കോളജ് ആശുപത്രിയിലും ഗര്ഭിണിയായ മലപ്പുറം സ്വദേശിനിയെ കോഴിക്കോട് ഗവ. മെഡിക്കല് കോളജ് ആശുപത്രിയിലും പ്രവേശിപ്പിച്ചു. 35 പേര് കൊവിഡ് കെയര് സെന്ററുകളിലും 144 പേര് സ്വന്തം വീടുകളിലും ആരോഗ്യ വകുപ്പിന്റെ കര്ശന നിരീക്ഷണത്തിലാണ്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT