ആഴ്ചയില് ഒരുദിവസം കുട്ടികളെ കനകദുര്ഗയ്ക്ക് വിട്ടുനല്കാന് നിര്ദേശം
പെരിന്തല്മണ്ണ: ശബരിമല ദര്ശനത്തെ തുടര്ന്ന് വിവാദത്തിലായ കനക ദുര്ഗ്ഗക്ക് ആഴ്ചയില് ഒരുദിവസം കുട്ടികളെ വിട്ടുനല്കണമെന്ന് ശിശുക്ഷേമ സമിതിയുടെ നിര്ദേശം.കുട്ടികളെ കാണാനും പരിചരിക്കാനും അവസരം നല്കണമെന്ന കനകദുര്ഗയുടെ പരാതിയെ തുടര്ന്ന് തവനൂരില് നടന്ന സിറ്റിങ്ങിലാണ് സിഡബ്ലിയുസി ചെയര്മാന് ഹാരിഷ് പഞ്ചിളിയുടെ ഉത്തരവ്.ശനിയാഴ്ച വൈകിട്ട് 6 മുതല് ഞായറാഴ്ച വൈകിട്ട് 6 വരെയാണ് കനകദുര്ഗയ്ക്ക് കുട്ടികളെ ഒപ്പം താമസിപ്പിക്കാന് അനുവാദം നല്കിയത്. എല്ലാ ശനിയാഴ്ചയും ഭര്ത്താവ് കൃഷ്ണനുണ്ണി കുട്ടികളെ കനകദുര്ഗയുടെ വീട്ടില് എത്തിക്കണം. ഞായറാഴ്ച വൈകിട്ട് കനകദുര്ഗ കുട്ടികളെ കൃഷ്ണനുണ്ണിയുടെ വീട്ടില് തിരിച്ചേല്പ്പിക്കണം. 23 മുതല് ഉത്തരവ് നടപ്പാക്കണം.ഇന്നലെ രാവിലെ പത്തരയോടെ ആണ് കൃഷ്ണനുണ്ണി, മാതാവ് സുമതിയമ്മ, സഹോദരന് എന്നിവര് കുട്ടികള്ക്കൊപ്പം തവനൂരിലെ സിഡബ്ലിയുസി മുന്പാകെ ഹാജരായത്. ഇതിനുശേഷം കനകദുര്ഗയുമെത്തി. കനകദുര്ഗയോടും ഭര്ത്താവ് കൃഷ്ണനുണ്ണിയോടും വിവരങ്ങള് ആരാഞ്ഞ സമിതി കുട്ടികളുടെ അഭിപ്രായവും രേഖപ്പെടുത്തി. ഇതനുസരിച്ചാണ് സമിതി തീരുമാനമെടുത്തത്.ശബരിമല ദര്ശനത്തിനുശേഷം തിരിച്ചെത്തിയ തനിക്ക് കുട്ടികളെ വിട്ടുനല്കാന് ഭര്ത്താവും അവരുടെ വീട്ടുകാരും തയാറായില്ല എന്ന പരാതിയുമായാണ് കനകദുര്ഗ ശിശുക്ഷേമ സമിതിയെ സമീപിച്ചത്.സിറ്റിങ്ങില് സിഡബ്ല്യുസി അംഗങ്ങളായനജ്മല് ബാബു, കവിതാ ശങ്കര് എന്നിവരും പങ്കെടുത്തു.
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT