കേരളത്തിന്റെ ആവശ്യങ്ങളൊന്നും അശേഷം പരിഗണിക്കാത്ത ബജറ്റെന്ന് മുഖ്യമന്ത്രി
തിരുവനന്തപുരം: കേരളത്തിന്റെ ആവശ്യങ്ങളെയും താല്പര്യങ്ങളെയും അശേഷം പരിഗണിക്കാത്തതാണ് കേന്ദ്ര ബജറ്റെന്ന് മുഖ്യമന്ത്രി പിണറായി വിജയന്. പുതിയ തീവണ്ടി, റെയില് സര്വേ, ശബരിപാത, പാത ഇരട്ടിപ്പിക്കല് തുടങ്ങി കേരളത്തിന്റെ ന്യായമായ ആവശ്യങ്ങളൊന്നും ബജറ്റില് പരിഗണിച്ചിട്ടില്ല. റബര് ഉള്പ്പെടെയുള്ളവയുടെ ഇറക്കുമതിച്ചുങ്കം ഉയര്ത്തി ആഭ്യന്തര റബര് കൃഷിയെ പരിരക്ഷിക്കണമെന്ന ആവശ്യവും പരിഗണിച്ചില്ല. കേരളത്തിന്റെ നെല് കൃഷി, കേരകൃഷി, സുഗന്ധവ്യഞ്ജന കൃഷി തുടങ്ങിവയ്ക്ക് പ്രത്യേക പരിഗണന കിട്ടിയിട്ടില്ലയ എയിംസ് പോലുള്ള പുതിയ സ്ഥാപനങ്ങളില്ലെന്നും മുഖ്യമന്ത്രി കുറ്റപ്പെടുത്തി. 2047ല് ഇന്ത്യയെ വികസിത രാഷ്ട്രമാക്കി മാറ്റുമെന്നു പറയുന്ന ബജറ്റ് ഈ വഴിക്കുള്ള ഏതു നീക്കത്തിനും ആവശ്യം സംസ്ഥാനങ്ങളെ ശാക്തീകരിക്കുകയാണെന്ന അടിസ്ഥാന തത്വം തന്നെ മറന്നിരിക്കുന്നു. മേഖലാപരമായ അസന്തുലിതാവസ്ഥ വര്ധിപ്പിക്കുന്നതും സംസ്ഥാന താല്പര്യങ്ങളെ നിഹനിക്കുന്നതും പണപ്പെരുപ്പം ശക്തിപ്പെടുത്തുന്നതും ജനങ്ങളെ പാപ്പരീകരിക്കുന്നതുമാണ് ബജറ്റും സാമ്പത്തിക സമീപനങ്ങളും. സംസ്ഥാനങ്ങളുടെ കടമെടുപ്പ് പരിധി വര്ധിപ്പിക്കണമെന്നതടക്കമുള്ള ആവശ്യങ്ങള് അംഗീകരിക്കുന്നില്ല. മൂലധന ചെലവുകള്ക്കായി സംസ്ഥാനങ്ങള്ക്കു പൊതുവില് ലഭ്യമാക്കുന്ന വായ്പയുടെ അളവ് കുറച്ചു. കഴിഞ്ഞ വര്ഷം നീക്കിവച്ചതിനെ അപേക്ഷിച്ച് കുറച്ചു മാത്രമേ പല മേഖലകളിലും കേന്ദ്ര സര്ക്കാര് ചെലവഴിച്ചിട്ടുള്ളു എന്ന് വ്യക്തമാക്കുന്നതാണ് റിവൈസ്ഡ് ബജറ്റ് എസ്റ്റിമേറ്റ്സ്. കൃഷി, വിദ്യാഭ്യാസം, ആരോഗ്യം, സാമൂഹികക്ഷേമം, പട്ടികജാതി പട്ടികവര്ഗ്ഗ വികസനം തുടങ്ങിയവയുടെ ഒക്കെ കാര്യത്തില് ഇതാണ് അവസ്ഥ. വളം, ഭക്ഷ്യധാന്യം, തൊഴിലുറപ്പ്, തുടങ്ങിയവയ്ക്കായുള്ള ചെലവാക്കല് കുറച്ചു. തൊഴില് വര്ധിപ്പിക്കല് എന്ന വാഗ്ദാനം ഉപേക്ഷിച്ച സ്ഥിതിയാണ്. സ്വയം തൊഴിലിന് കോര്പ്പസ് ഫണ്ട് എന്നതില് ഇതാണു തെളിയുന്നത്. തിരഞ്ഞെടുപ്പ് വര്ഷമായിട്ടുകൂടി രാജ്യത്തെ സാധാരണക്കാരുടെയോ കേരളത്തിന്റെയോ ആവശ്യങ്ങള് കേന്ദ്ര ബജറ്റില് പരിഗണിക്കപ്പെട്ടിട്ടില്ല എന്നതില് നിന്നുതന്നെ ഇന്നാട്ടിലെ പാവപ്പെട്ടവരോടും നമ്മുടെ സംസ്ഥാനത്തോടും എന്തു സമീപനമാണ് ബിജെപി സര്ക്കാര് സ്വീകരിക്കാന് ഉദ്ദേശിക്കുന്നത് എന്നത് കൂടുതല് വ്യക്തമായിരിക്കുകയാണ്. സംസ്ഥാനത്തിന്റെയും സംസ്ഥാനത്തെ ജനങ്ങളുടെയും അവകാശങ്ങള്ക്കു വേണ്ടിയുള്ള പോരാട്ടം ഇടതുമുന്നണി സര്ക്കാര് തുടരുക തന്നെ ചെയ്യുമെന്നും മുഖ്യമന്ത്രി പറഞ്ഞു.
RELATED STORIES
അമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTവിവാഹാഘോഷത്തിനിടെ പടക്കം പൊട്ടിച്ചു; തീ പടർന്ന് കുട്ടികളടക്കം ആറുപേർ...
27 April 2024 9:10 AM GMTതീപിടിച്ച കെട്ടിടത്തില് നിന്നും സ്വന്തം ജീവന് പണയംവെച്ച് 50 പേരെ...
27 April 2024 9:09 AM GMTപയ്യന്നൂരിൽ പോളിങ് സ്റ്റേഷനിൽ ബൂത്ത് ഏജന്റുമാർക്ക് മർദനം
27 April 2024 9:04 AM GMT