ഷോണ്‍ ജോര്‍ജ്ജിനെതിരേ കേസെടുക്കണമെന്ന് പോപുലര്‍ ഫ്രണ്ട്

കോഴിക്കോട്: കോടതി ആവര്‍ത്തിക്കരുതെന്ന് കര്‍ശനമായി നിര്‍ദേശിച്ച പി സി ജോര്‍ജിന്റെ വിദ്വേഷ പരാമര്‍ശം മാധ്യമങ്ങള്‍ക്കു മുന്‍പില്‍ ന്യായീകരിച്ച ഷൊണ്‍ ജോര്‍ജിനെതിരേ കേസെടുക്കണമെന്ന് പോപുലര്‍ ഫ്രണ്ട്.

മുസ്‌ലിംകള്‍ നടത്തുന്ന ഹോട്ടലുകളില്‍ അമുസ്‌ലിംകള്‍ക്ക് വന്ധ്യംകരണ മരുന്ന് നല്‍കുന്നുണ്ടെന്ന ജോര്‍ജ്ജിന്റെ വര്‍ഗീയ പരാമര്‍ശമാണ് ഷോണ്‍ ജോര്‍ജ് ആവര്‍ത്തിച്ചത്. പി സി ജോര്‍ജ് നടത്തിയ പരാമര്‍ശത്തിന് തെളിവായി 25 വീഡിയോകള്‍ തന്റെ മൊബൈലില്‍ ഉണ്ടെന്നാണ് ഷോണ്‍ മാധ്യമങ്ങളോട് പ്രതികരിച്ചത്. ജോര്‍ജ് തുപ്പിയ അതേ വിഷം ആവര്‍ത്തിക്കുകയാണ് ഷോണ്‍ ചെയ്തതെന്നും

അയാളുടെ മൊബൈല്‍ പിടിച്ചെടുക്കാനും കേസെടുക്കാനും പോലിസ് തയാറാവണമെന്നും പോപുലര്‍ ഫ്രണ്ട് സംസ്ഥാന സെക്രട്ടറി സിഎ റഊഫ് ആവശ്യപ്പെട്ടു.