Sub Lead

കല്ലമ്പലത്ത് കാറും മീന്‍ ലോറിയും കൂട്ടിയിടിച്ചു; കാര്‍ യാത്രികരായ അഞ്ച് പേര്‍ മരിച്ചു

കൊല്ലം ചിറക്കര സ്വദേശികളാണ് മരിച്ചത്. രണ്ട് മൃതദേഹങ്ങള്‍ തിരുവനന്തപുരം മെഡിക്കല്‍ കോളജിലും ഒരു മൃതദേഹം പാരിപ്പള്ളി മെഡിക്കല്‍ കോളേജിലുമാണ് സൂക്ഷിച്ചിരിക്കുന്നത്.

കല്ലമ്പലത്ത് കാറും മീന്‍ ലോറിയും കൂട്ടിയിടിച്ചു; കാര്‍ യാത്രികരായ അഞ്ച് പേര്‍ മരിച്ചു
X

തിരുവനന്തപുരം: കല്ലമ്പലം തോട്ടക്കാട് കാറും മീന്‍ ലോറിയും കൂട്ടിയിടിച്ച് കാര്‍ യാത്രികരായ അഞ്ച് പേര്‍ മരിച്ചു. കൊല്ലം ചിറക്കര സ്വദേശികളാണ് മരിച്ചത്.മരിച്ച രണ്ടുപേരുടെ മൃതദേഹം മെഡിക്കല്‍ കോളജ് ആശുപത്രിയിലും രണ്ടു പേരുടേത് വലിയ കുന്ന് ആശുപത്രിയിലും ഒരാളുടെത് പാരിപ്പള്ളി മെഡിക്കല്‍ കോളജ് ആശുപത്രിയിലുമാണുള്ളത്.

. ഇന്നലെ രാത്രി പതിനൊന്നു മണിയോടെയായിരുന്നു അപകടം. കൊല്ലത്ത് നിന്ന് തിരുവനന്തപുരത്തേക്ക് വരികയായിരുന്നു കാറും കൊല്ലത്തേക്ക് പോകുകയായിരുന്ന ലോറിയുമാണ് കൂട്ടിയിടിച്ചത്. ഇടിയുടെ ആഘാതത്തില്‍ കാറിലുണ്ടായിരുന്ന മൂന്നു പേര്‍ തല്‍ക്ഷണം മരിച്ചു. വിഷ്ണു, രാജീവ്, അരുണ്‍, സുധീഷ് എന്നിവരാണ് മരിച്ചത്. ഒരാളെ തിരിച്ചറിഞ്ഞിട്ടില്ല. കാര്‍ കത്തി നശിച്ചു. വാഹനത്തില്‍ പ്രസ് സ്റ്റിക്കര്‍ പതിച്ചിരുന്നു.

സ്ഥലത്തുള്ള സിസിടിവി ദൃശ്യങ്ങളടക്കം പരിശോധിച്ച ശേഷമേ അപകടത്തിന്റെ കാരണം വ്യക്തമാകുകയുള്ളുവെന്ന് പോലിസ് പറഞ്ഞു. മീന്‍ ലോറിയുടെ ഡ്രൈവറെ പോലിസ് കസ്റ്റഡിയിലെടുത്തു.

കെഎല്‍ 02 ബികെ 9702 എന്ന നമ്പര്‍ കാറാണ് അപകടത്തില്‍പെട്ടത്.


Next Story

RELATED STORIES

Share it