പൗരത്വ പ്രക്ഷോഭം: ഹര്ത്താലിനെ പിന്തുണച്ചവര്ക്കു സമന്സ് അയച്ചതിനെതിരേ എസ് ഡിപിഐ പ്രതിഷേധം
കോഴിക്കോട്: പൗരത്വ നിയമ ഭേദഗതിക്കെതിരായ ഹര്ത്താലിനെ പിന്തുണച്ചെന്നാരോപിച്ച് എസ് ഡിപിഐ സംസ്ഥാന വൈസ് പ്രസിഡന്റ് മൂവാറ്റുപുഴ അഷറഫ് മൗലവി, സംസ്ഥാന ജനറല് സെക്രട്ടറി തുളസീധരന് പള്ളിക്കല് ഉള്പ്പെടെയുള്ള രാഷ്ട്രീയ, സാംസ്കാരിക, മത നേതാക്കള്ക്ക് സമന്സ് അയച്ച നടപടിയില് എസ്ഡിപിഐ സംസ്ഥാന സെക്രട്ടേറിയറ്റ് ശക്തമായ പ്രതിഷേധം രേഖപ്പെടുത്തി. ടി ടി ശ്രീകുമാര്, ഡോ. ജെ ദേവിക, നാസര് ഫൈസി കൂടത്തായി, കെ കെ ബാബുരാജ്, എന് പി ചെക്കുട്ടി, ഹമീദ് വാണിയമ്പലം തുടങ്ങി 46 പേര്ക്കാണ് കോഴിക്കോട് ടൗണ് പോലിസ് സമന്സ് അയച്ചത്. 2019 ഡിസംബര് 17ന് ആഹ്വാനം ചെയ്ത ഹര്ത്താലുമായി ബന്ധപ്പെട്ടാണ് സമന്സ്. കോടതിയില് ഹാജരാവണമെന്ന് ആവശ്യപ്പെട്ടാണ് സമന്സ്. അന്ന് ജനകീയ ഹര്ത്താലിനെ പിന്തുണച്ച് പ്രസ്താവന ഇറക്കിയവര്ക്കെതിരെയാണ് നടപടി. കോഴിക്കോട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് സമന്സ് ലഭിച്ചവര് ഹാജരാകേണ്ടത്.
കേരളത്തില് സിഎഎ നടപ്പാക്കില്ലെന്ന് ആവര്ത്തിച്ചു പ്രഖ്യാപിക്കുന്ന മുഖ്യമന്ത്രി പൗരത്വപ്രക്ഷോഭത്തില് പങ്കെടുത്തവര്ക്കെതിരായ നിയമനടപടിയെക്കുറിച്ച് മൗനമവലംബിക്കുന്നത് പ്രതിഷേധാര്ഹമാണ്. പൗരത്വ ഭേദഗതി നിയമത്തിനെതിരേ സമരം ചെയ്തവര്ക്കെതിരേ കേസെടുക്കില്ലെന്നും അത് സര്ക്കാര് നയമല്ലെന്നുമായിരുന്നു മുഖ്യമന്ത്രി 2020 ഫെബ്രുവരി 3ന് നിയമസഭയില് പറഞ്ഞത്. അതേസമയം സംസ്ഥാനത്ത് 519 കേസുകളാണ് പൗരത്വ പ്രക്ഷോഭവുമായി ബന്ധപ്പെട്ട് രജിസ്റ്റര് ചെയ്ത് നിയമനടപടികള് തുടരുന്നത്. പൗരത്വ സമരങ്ങള്ക്ക് എതിരായ കേസുകള് പിന്വലിക്കുന്ന കാര്യം എല്ഡിഎഫിന്റെ മുന്നില് വന്നിട്ടില്ലെന്ന് സിപിഎം സംസ്ഥാന സെക്രട്ടറി എ വിജയരാഘവന് കഴിഞ്ഞ ദിവസം പ്രതികരിച്ചിരുന്നു. എല്ലാ കേസുകളും പിന്വലിക്കാനാവില്ല, കേസുകളുടെ സ്വഭാവം പരിഗണിച്ചു മാത്രമേ പിന്വലിക്കുന്ന കാര്യം തീരുമാനിക്കാന് കഴിയൂവെന്നും വിജയരാഘവന് വ്യക്തമാക്കിയിരുന്നു. പൗരത്വ വിഷയത്തില് ഇടതു സര്ക്കാരും സിപിഎം നേതൃത്വവും ഇരട്ടത്താപ്പാണ് സ്വീകരിക്കുന്നത്. സിഎഎ വിഷയത്തില് മുഖ്യമന്ത്രി പിണറായി വിജയന്റെ വാക്കുകള് ആത്മാര്ത്ഥമാണെങ്കില് പൗരത്വപ്രക്ഷോഭവുമായി ബന്ധപ്പെട്ട കേസുകള് പിന്വലിക്കണമെന്നും എസ്ഡിപിഐ സംസ്ഥാന സെക്രട്ടേറിയറ്റ് ആവശ്യപ്പെട്ടു.
CAA protest: SDPI protests against summons issued to hartal supporters
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT