സ്വകാര്യബസ് ഇടിച്ച് ബൈക്ക് യാത്രികന്‍ മരിച്ചു

കോഴിക്കോട്: പൂവാട്ടുപറമ്പില്‍ സ്വകാര്യബസ് ഇടിച്ച് ബൈക്ക് യാത്രക്കാരന്‍ മരിച്ചു. കായലം സ്വദേശി സലീം ആണ് മരിച്ചത്. ഇന്നു വൈകീട്ട് അഞ്ചുമണിയോടെ പെരുവയല്‍ പഞ്ചായത്ത് ഓഫീസിന് സമീപമായിരുന്നു അപകടം. അമിതവേഗത്തിലെത്തിയ ബസ്, മുന്നിലെ ബസിനെ മറികടക്കാന്‍ ശ്രമിക്കുകയായിരുന്നു. ഇതിനിടെ എതിര്‍ദിശയില്‍നിന്ന് മറ്റൊരു വാഹനം വന്നു. അതില്‍ ഇടിക്കാതിരിക്കാന്‍ ബസ് റോഡ് അരികിലേക്ക് ചേര്‍ത്തപ്പോഴാണ് സലീമിന്റെ ബൈക്കില്‍ ഇടിച്ചത്. ഇതോടെ സലീം, ബസിന് അടിയില്‍പ്പെട്ടു. ബസിന്റെ പിന്‍ചക്രം സലീമിന്റെ തലയിലൂടെ കയറിയതായി പോലിസ് അറിയിച്ചു.