മുക്കം മുലപ്പാല് വിവാദം: മാതാവിനെ ശിക്ഷിച്ച് കോടതി; കോടതി പിരിയും വരെ തടവും 1000 രൂപ പിഴയും
കോടതി പിരിയും വരെയും തടവും 1000 രൂപ പിഴയുമാണ് താമരശ്ശേരി സിജെഎം കോടതി വിധിച്ചത്. ജുവൈനല് ആക്ട് പ്രകാരം ആണ് ശിക്ഷ.
കോഴിക്കോട്: അഞ്ച് ബാങ്കുകളുടെ സമയം കഴിയാതെ നവജാത ശിശുവിന് മുലപ്പാല് നല്കരുതെന്ന് പറഞ്ഞ് കുഞ്ഞിന് മുലപ്പാല് നിഷേധിച്ച സംഭവത്തില് മാതാവായ മുക്കം ഓമശ്ശേരി അഫ്സത്തിനെ കോടതി ശിക്ഷിച്ചു. കോടതി പിരിയും വരെയും തടവും 1000 രൂപ പിഴയുമാണ് താമരശ്ശേരി സിജെഎം കോടതി വിധിച്ചത്. ജുവൈനല് ആക്ട് പ്രകാരം ആണ് ശിക്ഷ.
2016 നവംബര് രണ്ടിനാണ് കേസിനാസ്പദമായ സംഭവം. നവംബര് രണ്ടിന് ഉച്ചയോടെ ഓമശ്ശേരി സ്വദേശി സ്വദേശി അബൂബക്കര് സിദ്ദിഖിന്റെ ഭാര്യ മുക്കം ഇഎംഎസ് സഹകരണ ആസ്പത്രിയില് ആണ്കുഞ്ഞിന് ജന്മം നല്കി. പ്രസവിച്ച് കുറച്ച് സമയം കഴിഞ്ഞപ്പോള് കുഞ്ഞിന് മുലപ്പാല് കൊടുക്കാന് നഴ്സുമാര് ആവശ്യപ്പെട്ടപ്പോള് അഞ്ച് ബാങ്ക് വിളികള് കഴിയാതെ മുലപ്പാല് കൊടുക്കാന് പാടില്ലെന്ന് പറഞ്ഞ് സിദ്ദിഖ് മുലപ്പാല് കൊടുക്കുന്നത് വിലക്കുകയായിരുന്നു. കളന്തോട് ഉള്ള സിദ്ധന്റെ വാക്ക് കേട്ടായിരുന്നു ഈ മുലപ്പാല് നിഷേധം.
തുടര്ന്ന് സ്വകാര്യ ആശുപത്രിയിലെ നേഴ്സിന്റെ പരാതിയെ തുടര്ന്ന് മുക്കം സ്വദേശി അബൂബക്കര് സിദ്ദിഖിനും ഭാര്യയ്ക്കുമെതിരെ മുക്കം പോലിസ് കേസെടുക്കുകയായിരുന്നു. ഇവര്ക്കെതിരെ കേസെടുക്കണമെന്ന് ചൈല്ഡ് പ്രൊട്ടക്ഷന് ഫോഴ്സും നിര്ദേശം നല്കിയിരുന്നു.കോഴിക്കോട് ചൈല്ഡ് പ്രൊട്ടക്ഷന് ഓഫിസറാണ് ബാലാവകാശ കമ്മിഷന് റിപ്പോര്ട്ട് നല്കിയിരുന്നത്. പിതാവിന്റെ അന്ധ വിശ്വാസത്താല് ബുധനാഴ്ച ഉച്ചയ്ക്ക് രണ്ട് മണിക്ക് പ്രസവിച്ച കുഞ്ഞിന് വ്യാഴാഴ്ച പന്ത്രണ്ടരയ്ക്ക് ശേഷമാണ് മുലപ്പാല് നല്കിയത്.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT