മുസ് ലിം വിദ്വേഷ പരാമര്ശം: ഡോ. ആരതി ലാല്ചാന്ദ്നിക്കെതിരേ കേസെടുക്കണം; മെഡിക്കല് ലൈസന്സ് റദ്ദാക്കണമെന്നും ആവശ്യം
ന്യൂഡല്ഹി: കൊവിഡ് 19 കേസുകളുമായി ബന്ധപ്പെട്ട് മുസ് ലിംകള്ക്കെതിരേ വിദ്വേഷ പരാമര്ശം നടത്തി. കാണ്പൂര് മെഡിക്കല് കോളജ് പ്രിന്സിപ്പല് ഡോ. ആരതി ലാല് ചാന്ദ്നിക്കെതിരേ കേസെടുത്ത് അവരുടെ മെഡിക്കല് ലൈസന്സ് റദ്ദാക്കണമെന്ന് ആവശ്യമുയരുന്നു. മെഡിക്കല് ഫ്രറ്റേണിറ്റിയാണ് ആവശ്യവുമായി രംഗത്തെത്തിയത്. തബ് ലീഗ് ജമാഅത്ത് അംഗങ്ങളെ 'തീവ്രവാദികള്' എന്ന് ആക്ഷേപിക്കുകയും അവര്ക്ക് വി ഐപി ചികില്സ നല്കി സര്ക്കാരിന്റെ പിപിഇ കിറ്റും സൗകര്യങ്ങളും പാഴാക്കരുതെന്നുമായിരുന്നു ഡോ. ആരതി ലാല് ചാന്ദ്നി പറഞ്ഞത്. ഇവരെ ഏകാന്ത തടവിലിടണമെന്നും കാട്ടിലെറിയണമെന്നും പറയുന്ന അഞ്ച് മിനിറ്റ് ദൈര്ഘ്യമുള്ള വീഡിയോ കഴിഞ്ഞ ദിവസം പുറത്തുവന്നിരുന്നു.
കൊവിഡ് വ്യാപനത്തിന് മുസ് ലിം സമുദായത്തെ കുറ്റപ്പെടുത്തിയതിന് എയിംസ് ന്യൂഡല്ഹി ഡയറക്ടര് ഡോ. രണ്ദീപ് ഗുലേറിയയ്ക്കെതിരേയും നടപടിയെടുക്കണമെന്ന് അവര് ആവശ്യപ്പെട്ടു. ഇത്തരക്കാര്ക്ക് ആര്എസ്എസിന്റെ പിന്തുണയുണ്ടെന്നും സംഘടന ആരോപിച്ചു. 30 കോടിക്കു(മുസ്ലിംകള്) വേണ്ടി രാജ്യത്തിന്റെ 100 കോടിയെ ബലിയാടാക്കുകയാണെന്നും മെഡിക്കല് എത്തിക്സിനു വിരുദ്ധമായി പരാമര്ശിച്ച കാണ്പൂര് ജിഎസ്വിഎം മെഡിക്കല് കോളജിന്റെ മേധാവിയായ ഡോ. ആരതി ലാല്ചാന്ദ്നി പറഞ്ഞത് മാധ്യമപ്രവര്ത്തകനാണു പുറത്തുവിട്ടത്.
കൊവിഡ് 19 മഹാമാരിക്കെതിരേ രാജ്യം പോരാടുമ്പോള് ഇത്തരം പ്രസ്താവനകളും സാമുദായിക വേര്തിരിവും പോരാട്ടത്തെ ദുര്ബലമാക്കുകയാണെന്നും ഡോ. ആരതിയെ പോലുള്ളവരുടെ പ്രവൃത്തിക്ക് രാജ്യം വളരെയധികം വില നല്കേണ്ടി വരുമെന്ന് പ്രോഗ്രസീവ് മെഡികോസ് ആന്റ് സയന്റിസ്റ്റ് ഫോറം ദേശീയ എക്സിക്യൂട്ടീവ് കമ്മിറ്റിയംഗം പ്രാഫ. ഡോ. വികാസ് ബാജ്പെയ് പറഞ്ഞു. മഹാമാരിയെ നേരിടുന്നതില് സര്ക്കാരിന്റെ പൂര്ണ പരാജയത്തില് നിന്ന് ശ്രദ്ധ വ്യതിചലിപ്പിക്കാന് സംഘപരിവാര സംഘടനകളുടെ നിര്ദേശപ്രകാരമാണ് ഇത്തരം പരാമര്ശമങ്ങള് നടത്തുന്നതെന്നും ന്യൂഡല്ഹിയിലെ ജെഎന്യുവിലെ സെന്റര് ഫോര് സോഷ്യല് മെഡിസിന് ആന്റ് കമ്യൂണിറ്റി ഹെല്ത്ത് പ്രഫസര് കൂടിയായ ഡോ. വികാസ് ബാജ്പെയ് പറഞ്ഞു.
ഡോ. ആരതി ലാല് ചാന്ദ്നിയുടെ പരാമര്ശത്തില് കടുത്ത ദുഖവും അമര്ഷവും പ്രകടിപ്പിക്കുന്നതായി പ്രോഗ്രസീവ് മെഡികോസ് ആന്റ് സയന്റിസ്റ്റ് ഫോറം ദേശീയ പ്രസിഡന്റ് ഡോ. ഹര്ജിത് സിങ് ഭാട്ടി പറഞ്ഞു. ''പതിറ്റാണ്ടുകള് പരിചയമുള്ള മെഡിക്കല് കോളജിലെ പ്രിന്സിപ്പലിന് ഇത്രയും വര്ഗീയവും വിവേചനപരവുമായ മനോഭാവമുണ്ടായത് വളരെ നിര്ഭാഗ്യകരമാണ്. ജീവിതത്തിലുടനീളം അവള് രോഗിയോട് എങ്ങനെ പെരുമാറിയെന്നും അവള് വിദ്യാര്ത്ഥികളെ എന്താണ് പഠിപ്പിക്കുന്നതെന്നും ഊഹിക്കാനാവുന്നില്ലെന്നും'' അദ്ദേഹം പറഞ്ഞു. ലാല്ചാന്ദ്നിയെ പോലുള്ള അധ്യാപകര് മെഡിക്കല് പ്രഫഷനലിസത്തെ ഇല്ലാതാക്കുകയാണെന്നും ഇത് സമൂഹത്തിന് വളരെ അപകടകരമാണെന്നും എയിംസിലെ റസിഡന്റ് ഡോക്ടര്മാരുടെ അസോസിയേഷന് മുന് പ്രസിഡന്റ് കൂടിയായ ഡോ. ഭട്ടി പറഞ്ഞു.
'ഇത് തികച്ചും അനീതിപരവും ഭരണഘടനാവിരുദ്ധവും മനുഷ്യത്വരഹിതവുമാണ് എന്നതിനാല് അവരുടെ അഭിപ്രായം കേട്ടപ്പോള് ശരിക്കും ഞെട്ടിപ്പോയി. ഒരു ഡോക്ടര്ക്ക് അത്തരം ചീഞ്ഞ മനസ്സുണ്ടെന്ന് എനിക്ക് സങ്കല്പ്പിക്കാന് പോലും കഴിയില്ല. കാരണം ഞങ്ങള് ഡോക്ടര്മാര് ഓരോ വ്യക്തിയെയും മനുഷ്യരായി കാണുകയും അവരുടെ മതം, ജാതി, വംശം, വംശം എന്നിവ കണക്കിലെടുക്കാതെ അവരുടെ പ്രശ്നം പരിഹരിക്കാന് ശ്രമിക്കുകയും ചെയ്യുന്നു'വെന്നും അദ്ദേഹം പറഞ്ഞു. ഒരു വ്യക്തി കുറ്റവാളിയോ വിശുദ്ധനോ ആണെങ്കിലും എല്ലാവരെയും തുല്യരായി പരിഗണിക്കണമെന്നാണ് ഡോക്ടര്മാര് സത്യപ്രതിജ്ഞ ചെയ്യുന്നതെന്നും അദ്ദേഹം പറഞ്ഞു. വിഷയത്തില് സത്യസന്ധമായ അന്വേഷണം നടത്തണം. അവര് കുറ്റക്കാരിയെന്ന് തെളിഞ്ഞാല് ലൈസന്സ് റദ്ദാക്കുകയും നിയമപ്രകാരം അവളെ ശിക്ഷിക്കണമെന്നും അവര് പറഞ്ഞു.
മെഡിക്കല് നൈതികതയുടെ എല്ലാ ധാര്മികതകളും ലംഘിച്ച ഡോക്ടര്ക്കെതിരേ കേസ് ഫയല് ചെയ്യുന്നതിനെക്കുറിച്ച് ആലോചിക്കുന്നതായി ഓള് ഇന്ത്യ ലോയേഴ്സ് കൗണ്സില് ആലോചിക്കുന്നതായി ജനറല് സെക്രട്ടറി അഡ്വ. ഷറഫുദ്ദീന് അഹ്മദ് 'മുസ് ലിം മിററി'നോട് പറഞ്ഞു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
