കേന്ദ്രമന്ത്രിയുടെ അനധികൃത ബംഗ്ലാവ് പൊളിച്ചുകളയാന് ഉത്തരവിട്ട് കോടതി; പത്തു ലക്ഷം രൂപയുടെ പിഴയും വിധിച്ചു
തീരദേശ നിയന്ത്രണ മേഖലയില് ഫ്ലോര് സ്പേസ് ഇന്ഡക്സ് ലംഘിച്ച് നിര്മിച്ച കെട്ടിടത്തിന്റെ ഭാഗങ്ങള് പൊളിച്ചുമാറ്റാനാണ് ജസ്റ്റിസുമാരായ ആര് ഡി ധനുക, കമാല് ഖട്ട എന്നിവരുടെ ഡിവിഷന് ബെഞ്ച് ബ്രിഹന് മുംബൈ കോര്പ്പറേഷന് നിര്ദേശം നല്കിയത്.
മുബൈ: കേന്ദ്രമന്ത്രി നാരായണ് റാണെയുടെ കമ്പനി അനധികൃതമായി നിര്മ്മിച്ച ബംഗ്ലാവ് പൊളിച്ചുകളയാന് ഉത്തരവിട്ട് ബോംബെ ഹൈക്കോടതി. തീരദേശ നിയന്ത്രണ മേഖലയില് ഫ്ലോര് സ്പേസ് ഇന്ഡക്സ് ലംഘിച്ച് നിര്മിച്ച കെട്ടിടത്തിന്റെ ഭാഗങ്ങള് പൊളിച്ചുമാറ്റാനാണ് ജസ്റ്റിസുമാരായ ആര് ഡി ധനുക, കമാല് ഖട്ട എന്നിവരുടെ ഡിവിഷന് ബെഞ്ച് ബ്രിഹന് മുംബൈ കോര്പ്പറേഷന് നിര്ദേശം നല്കിയത്. മുംബൈയിലെ സമ്പന്നരുടെ കേന്ദ്രമായ ജുഹു മേഖലയിലാണ് എട്ടു നിലകളിലായി നിര്മിച്ച ബംഗ്ലാവ് സ്ഥിതിചെയ്യുന്നത്.
രണ്ടാഴ്ചയ്ക്കുള്ളില് അനധികൃത നിര്മ്മാണം പൊളിച്ചു മാറ്റി റിപ്പോര്ട്ട് സമര്പ്പിക്കണമെന്ന് കോടതി നിര്ദേശിച്ചു. മന്ത്രിക്ക് പത്തു ലക്ഷം രൂപയുടെ പിഴയും കോടതി വിധിച്ചു. രണ്ടാഴ്ചയ്ക്കകം ഈ തുക മഹാരാഷ്ട്ര സ്റ്റേറ്റ് ലീഗല് സര്വീസ് അതോറിറ്റിക്ക് കൈമാറണം.
സുപ്രീംകോടതിയെ സമീപിക്കാനായി വിധി ആറാഴ്ചത്തേക്ക് സ്റ്റേ ചെയ്യണമെന്ന നാരായണ് റാണെയുടെ അഭിഭാഷകന്റെ ആവശ്യം കോടതി തള്ളി. റാണെയുടെ കുടുംബം നടത്തുന്ന കാല്ക റിയല് എസ്റ്റേറ്റ് എന്ന കമ്പനിയാണ് കെട്ടിടം നിര്മ്മിച്ചത്. കെട്ടിട നിര്മാണവുമായി ബന്ധപ്പെട്ട അപകാതകള് പരിഹരിക്കാന് സമയം തരണമെന്ന കമ്പനിയുടെ അപേക്ഷ കോര്പറേഷന് തള്ളിയിരുന്നു. കെട്ടിടത്തിന്റെ ചെറിയൊരു ഭാഗം മാത്രമാണ് അനധികൃത നിര്മ്മാണമെന്നും മറ്റു ഭാഗങ്ങള് നിയമം പാലിച്ചുതന്നെയാണ് നിര്മ്മിച്ചിരിക്കുന്നതെന്നുമാണ് കമ്പനി കോടതിയില് വാദിച്ചത്. എന്നാല്, കോടതി ഈ വാദം തള്ളിക്കളയുകയായിരുന്നു.
RELATED STORIES
പേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT'ഭയത്തോട് കൂടി ഒരു മനുഷ്യനെങ്കിലും രാജ്യത്ത് ജീവിക്കുകയാണെങ്കിൽ അത്...
29 March 2024 6:12 AM GMTഅബ്ദുന്നാസിര് മഅ്ദനി അതീവ ഗുരുതരാവസ്ഥയില്
29 March 2024 6:07 AM GMTഎം വി ഗോവിന്ദനെതിരേ സാമൂഹികമാധ്യമങ്ങളിലൂടെ വ്യാജപ്രചാരണം: ഡിജിപിക്കും...
28 March 2024 5:15 PM GMTസിദ്ധാര്ത്ഥന്റെ മരണത്തില് ജുഡീഷ്യല് അന്വേഷണത്തിന് ഉത്തരവിട്ട്...
28 March 2024 3:04 PM GMT