ലൗ ജിഹാദ് നിയമം കൂടുതല് സംസ്ഥാനങ്ങളില് നടപ്പാക്കാനൊരുങ്ങി ബിജെപി
വിഷയത്തില് യുപി മുഖ്യമന്ത്രി യോഗി ആദിത്യനാഥിന് കഴിഞ്ഞ ദിവസം 104 മുന് ഐഎസ് ഉദ്യോഗസ്ഥര് കത്തെഴുതിയിരുന്നു. ഉത്തര്പ്രദേശ് വെറുപ്പിന്റെയും വിഭാഗീയതയുടേയും രാഷ്ട്രീയത്തിന്റെ കേന്ദ്രമായി മാറിയെന്ന് ശിവശങ്കര് മേനോന്, ടികെ നായര്, നിരുപമ റാവു എന്നിവര് കത്തില് കുറ്റപ്പെടുത്തി.
ന്യൂഡല്ഹി: ലൗ ജിഹാദ് നിയമത്തിനെതിരെ രാജ്യത്ത് പ്രതിഷേധം ശക്തമാകുമ്പോഴും നിയമം കൂടുതല് സംസ്ഥാനങ്ങളില് നടപ്പാക്കാന് ഉറച്ച് ബിജെപി. യുപി, മധ്യപ്രദേശ്, ഹിമാചല് പ്രദേശ് സംസ്ഥാനങ്ങള്ക്ക് പുറമെ ഹരിയാനയും കര്ണാടകയും ലവ് ജിഹാദ് നിയമം നടപ്പാക്കാനൊരുങ്ങുകയാണ്.
ഉത്തര്പ്രദേശില് നടപ്പാക്കിയ നിയമത്തിന്റെ അടിസ്ഥാനത്തില് ഇത് വരെ 16 കേസുകള് രജിസ്റ്റര് ചെയ്യുകയും 54 മുസ്ലിം യുവാക്കളെ ജയിലാക്കുകയും ചെയ്തിട്ടുണ്ട്. 31 പേരെ കൂടി ഉടന് അറസ്റ്റ് ചെയ്യുമെന്ന് യുപി പൊലീസ് പറയുന്നു. എന്നാല് രജിസ്റ്റര് ചെയ്ത രണ്ട് കേസുകളില് മാത്രമാണ് സ്ത്രീകള് പരാതിക്കാരായിട്ടുള്ളത്. ബാക്കി മുഴുവന് കേസുകളിലും ബന്ധുക്കളുടെ പരാതിയിലാണ് പോലിസ് നടപടി.
എന്നാല് നിയമം വ്യക്തി സ്വാതന്ത്രത്തിനും ലിംഗ സമത്വത്തിനുമെതിരാണെന്നാണ് ഉയരുന്ന വിമര്ശനം. വിഷയത്തില് യുപി മുഖ്യമന്ത്രി യോഗി ആദിത്യനാഥിന് കഴിഞ്ഞ ദിവസം 104 മുന് ഐഎസ് ഉദ്യോഗസ്ഥര് കത്തെഴുതിയിരുന്നു.
ഉത്തര്പ്രദേശ് വെറുപ്പിന്റെയും വിഭാഗീയതയുടേയും രാഷ്ട്രീയത്തിന്റെ കേന്ദ്രമായി മാറിയെന്ന് ശിവശങ്കര് മേനോന്, ടികെ നായര്, നിരുപമ റാവു എന്നിവര് കത്തില് കുറ്റപ്പെടുത്തി. നിയമത്തിനെതിരെ സുപ്രീംകോടതിയിലും ഹര്ജികള് എത്തിയിട്ടുണ്ട്. ഭരണഘടനയുടെ ആര്ട്ടിക്കിള് 25 അനുസരിച്ച് മതം മാറാനുള്ള സ്വാതന്ത്രം പൗരനുണ്ട് പുതിയ നിയമം ഇത് ഇല്ലാതാക്കുന്നുവെന്ന് ഹര്ജികള് ആരോപിക്കുന്നു.
ഹര്ജികള് എല്ലാം ജനുവരി ആറിന് സുപ്രീംകോടതി പരിഗണിച്ചേക്കും. പ്രതിഷേധം വര്ധിക്കുമ്പോഴും സിഎഎക്ക് പിന്നാലെ ലവ് ജിഹാദ് നിയമവും ഉയര്ത്തിക്കൊണ്ടു വരുകയാണ് ബിജെപിയും കേന്ദ്രസര്ക്കാരും.
RELATED STORIES
അഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMT