ജവാന്റെ മൃതദേഹം വഹിച്ചുള്ള വിലാപയാത്രയില്‍ കൈവീശി ചിരിച്ച് ബിജെപി എംപി

ന്യൂഡല്‍ഹി: പുല്‍വാമയില്‍ കൊല്ലപ്പെട്ട സിആര്‍പിഎഫ് ജവാന്റെ മൃതദേഹം വഹിച്ചുള്ള വിലാപയാത്രയില്‍ കൈവീശി ചിരിച്ച് ബിജെപി എംപി സാക്ഷി മഹാരാജ്. യുപിയിലെ ഉന്നാവോ സ്വദേശിയായ ജവാന്‍ അജിത് കുമാറിന്റെ വിലാപയാത്രയിലാണ് മണ്ഡലത്തിലെ ബിജെപി എംപിയായ സാക്ഷി മഹാരാജ് വഴിയില്‍ കൂടിനിന്നവര്‍ക്കു നേരെ കൈവീശി ചിരിച്ചത്. ഇതിന്റെ വീഡിയോ ദൃശ്യങ്ങള്‍ മാധ്യമപ്രവര്‍ത്തകനായ പ്രശാന്ത് കുമാറാണ് ട്വിറ്ററില്‍ പങ്കുവച്ചത്. അതേസമയം, വീഡിയോ പുറത്തുവന്നതിന് പിന്നാലെ സമൂഹമാധ്യമങ്ങളില്‍ വന്‍ പ്രതിഷേധമാണ് ബിജെപി നേതാവിനെതിരേ ഉയരുന്നത്. ജവാന്റെ മൃതദേഹം പോലും ബിജെപി രാഷ്ട്രീയ മുതലെടുപ്പിന് ഉപയോഗിക്കുന്നെന്നും വിലാപയാത്ര ബിജെപി റോഡ് ഷോ ആക്കിയെന്നുമാണ് സോഷ്യല്‍ മീഡിയയില്‍ ഉയരുന്ന വിമര്‍ശനം.