കര്ണാടകയില് മുതിര്ന്ന ബിജെപി നേതാവ് രാജിവച്ച് കോണ്ഗ്രസിലേക്ക്
ബംഗളൂരു: നിയമസഭാ തിരഞ്ഞെടുപ്പിന്റെ പ്രചാരണങ്ങള് ശക്തമായിരിക്കെ കര്ണാടകയില് ബിജെപിക്ക് വീണ്ടും കനത്ത തിരിച്ചടി. മുതിര്ന്ന ബിജെപി നേതാവും ലെജിസ്ലേറ്റീവ് കൗണ്സില് അംഗ(എം.എല്സി)വും ബാബുറാവു ചിഞ്ചന്സുര് കൗണ്സില് ചെയര്പേഴ്സനുമായ ബസവരാജ് ഹൊരാട്ടി രാജിവച്ചു. മാര്ച്ച് 25ന് ഇദ്ദേഹം കോണ്ഗ്രസില് ചേരുമെന്നാണ് റിപോര്ട്ട്. ഇതോടെ മാര്ച്ച് മാസത്തില് മാത്രം രാജിവയ്ക്കുന്ന രണ്ടാമത്തെ ബിജെപി എംഎല്സിയാണ് ബസവരാജ് ഹൊരാട്ടി. സംസ്ഥാനം ഭരിക്കുന്ന ബിജെപി സര്ക്കാറിനെതിരേ അഴിമതി ആരോപണമുന്നയിച്ച് പുട്ടണ്ണ എന്ന എംഎല്സി കഴിഞ്ഞ ദിവസം പാര്ട്ടി വിട്ട് കോണ്ഗ്രസില് ചേര്ന്നിരുന്നു. നാലുതവണ ലെജിസ്ലേറ്റീവ് അംഗമായി തിരഞ്ഞെടുക്കപ്പെട്ട ബാബുറാവു 2018ലെ അസംബ്ലി തിരഞ്ഞെടുപ്പിലെ തോല്വിക്ക് പിന്നാലെയാണ് കോണ്ഗ്രസ് വിട്ട് ബിജെപിയില് ചേര്ന്നത്. തിരഞ്ഞെടുപ്പ് അടുത്തിരിക്കെ നിരവധി ബിജെപി നേതാക്കളാണ് പാര്ട്ടിവിട്ട് കോണ്ഗ്രസില് ചേര്ന്നത്. രണ്ട് മുന് എംഎല്എമാരും മൈസൂരു മുന് മേയറും കോണ്ഗ്രസില് ചേര്ന്നിരുന്നു. കൊല്ലഗല് മുന് എംഎല്എയും എസ് സി മോര്ച്ച വൈസ് പ്രസിഡന്റുമായ ജി എന് നഞ്ചുണ്ട സ്വാമി, വിജയപുര മുന് എംഎല്എ മനോഹര് ഐനാപൂര്, മൈസൂരു മുന് മേയര് പുരുഷോത്തം എന്നിവരും നേരത്തേ ബിജെപി വിട്ടിരുന്നു.
RELATED STORIES
മോദിയുടെ വിദ്വേഷപ്രസംഗം വൃന്ദാ കാരാട്ടിന്റെ അഭിഭാഷകന് ഇന്ന് സുപ്രീം...
23 April 2024 6:58 AM GMTരാജീവ് ചന്ദ്രശേഖറിന്റെ നാമനിര്ദേശ പത്രിക തള്ളണമെന്ന ഹരജി തള്ളി...
23 April 2024 6:47 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMTതായ്വാനില് ഒറ്റരാത്രിയില് 80ലേറെ ഭൂചലനങ്ങള്
23 April 2024 5:28 AM GMT