പക്ഷിപ്പനി: കോഴിക്കോട് വളര്ത്തുപക്ഷികളെ ഇന്ന് മുതല് കൊന്നു തുടങ്ങും
പ്രത്യേക പരിശീലനം സിദ്ധിച്ച വിവിധ വകുപ്പുകളിലെ ഇരുനൂറിലധികം ഉദ്യോഗസ്ഥരുടെ നേതൃത്വത്തിലാണ് പ്രതിരോധ പ്രവര്ത്തനം. പക്ഷിപ്പനി മനുഷ്യരിലേക്ക് പടരാതിരിക്കാന് ആരോഗ്യവകുപ്പും നിരീക്ഷണം ശക്തമാക്കി.
കോഴിക്കോട്: കോഴിക്കോട് പക്ഷിപനി സ്ഥിരീകരിച്ച ഫാമുകള്ക്ക് ഒരുകിലോമീറ്റര് പരിധിയില് കോഴികളടക്കമുള്ള വളര്ത്തുപക്ഷികളെ ഇന്ന് മുതല് കൊന്നു തുടങ്ങും. പ്രത്യേക പരിശീലനം സിദ്ധിച്ച വിവിധ വകുപ്പുകളിലെ ഇരുനൂറിലധികം ഉദ്യോഗസ്ഥരുടെ നേതൃത്വത്തിലാണ് പ്രതിരോധ പ്രവര്ത്തനം. പക്ഷിപ്പനി മനുഷ്യരിലേക്ക് പടരാതിരിക്കാന് ആരോഗ്യവകുപ്പും നിരീക്ഷണം ശക്തമാക്കി.
കൊടിയത്തൂര്, ചാത്തമംഗലം പഞ്ചായത്തുകള് കോഴിക്കോട് കോര്പറേഷനിലെ വേങ്ങേരി എന്നിവിടങ്ങളിലാണ് രോഗം സ്ഥിരീകരിച്ചത്. കണ്ടെത്തിയ ഫാമിനും വീടിനും ഒരു കിലോമീറ്റര് ചുറ്റളവിലുളള മുഴുവന് വളര്ത്തു പക്ഷികളെയും ഇന്ന് കൊന്ന് തുടങ്ങും. 12,000 ത്തിലധികം പക്ഷികളെ കൊല്ലേണ്ടിവരുമെന്നാണ് മൃഗസംരക്ഷണവകുപ്പിന്റെ കണക്ക്. ഇതിനായി അഞ്ച് പേരെടങ്ങുന്ന 35 സംഘങ്ങള്ക്ക് പരിശീലനം നല്കിക്കഴിഞ്ഞു.
രോഗം മനുഷ്യരിലേക്ക് പടര്ന്നിട്ടില്ലാത്തതിനാല് നിലവില് ആശങ്കപ്പെടേണ്ട സാഹചര്യമില്ലെന്നാണ് ആരോഗ്യവകുപ്പ് നല്കുന്ന വിവരം. എങ്കിലും പക്ഷി പനി സ്ഥിരീകരിച്ച പ്രദേശങ്ങള്ക്ക് പത്തുകിലോമീറ്റര് ചുള്ളവില് ആരോഗ്യവകുപ്പു നിരീക്ഷണം ശക്തമാക്കിയിട്ടുണ്ട്. ആവശ്യമെങ്കില് ഇന്നു മുതല് പ്രതിരോധമരുന്നുകള് നല!്കും. പ്രദേശത്തിന് പത്തുകിലോമീറ്റര് ചുറ്റളവിലുള്ള കോഴിയിറച്ചി വില്പന ജില്ലാ കലക്ടര് താല്ക്കാലികമായി നിരോധിച്ചു. കോഴിക്കോട് ജില്ലയില് രണ്ടിടത്ത് പക്ഷിപ്പനി സ്ഥിരീകരിച്ച സാഹചര്യത്തില് പക്ഷിപ്പനി പ്രതിരോധ പ്രവര്ത്തനങ്ങള് ഏകോപിപ്പിക്കാന് കളക്ടറെ ചുമതലപ്പെടുത്തിയിട്ടുണ്ട്.
അതിനിടെ, പക്ഷിപ്പനിയെന്ന സംശയത്തെത്തുടര്ന്ന് മലപ്പുറം പെരുവള്ളൂരില് ചത്ത നിലയില് കണ്ടെത്തിയ മൂന്ന് കാക്കകളുടെ സാമ്പിളുകള് പരിശോധനയ്ക്ക് അയക്കും. കാക്കകള് വഴിയരികില് ചത്ത നിലയില് കണ്ടെത്തിയതായി റിപ്പോര്ട്ട് കിട്ടിയതിനെത്തുടര്ന്ന് ഇവ വിശദപരിശോധനയ്ക്ക് വിധേയമാക്കുമെന്ന് ജില്ലാ മൃഗസംരക്ഷണ വകുപ്പ് ഓഫിസര് ഡോ. എ സജീവ് കുമാര് വ്യക്തമാക്കി.
RELATED STORIES
രാജ്യത്തിന്റെ വീണ്ടെടുപ്പിന് സ്ത്രീകള് വോട്ട് ചെയ്യണം: സുനിത നിസാര്
25 April 2024 6:45 PM GMTകിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMT