ഒറ്റ രാത്രികൊണ്ട് എയര്‍ ഇന്ത്യ 48 പൈലറ്റുമാരെ പുറത്താക്കി

ന്യൂഡല്‍ഹി: ഒറ്റ രാത്രികൊണ്ട് എയര്‍ ഇന്ത്യ 48 പൈലറ്റുമാരെ പുറത്താക്കി. കഴിഞ്ഞ വര്‍ഷം എയര്‍ ഇന്ത്യയില്‍ നിന്ന് രാജിവെക്കാന്‍ കത്ത് നല്‍കുകയും പിന്നീട് നിയമപ്രകാരമുള്ള നടപടികളിലൂടെ രാജിക്കത്ത് പിന്‍വലിക്കുകയും ചെയ്ത പൈലറ്റുമാരെയാണ് കഴിഞ്ഞ 13ന് രാത്രി 10 മണിക്ക് കമ്പനി ഒരു മുന്നറിയിപ്പും നല്‍കാതെ പുറത്താക്കിയത്. എയര്‍ ബസ് 320 വിമാനങ്ങള്‍ പറത്തുന്ന പൈലറ്റുമാരായിരുന്നു ഇവര്‍.

എയര്‍ ഇന്ത്യയുടെ പുറത്താക്കല്‍ നടപടി എടുക്കുന്ന സമയത്ത് പൈലറ്റ്മാരില്‍ പലരും വിമാനം നിയന്ത്രിച്ചുകൊണ്ടിരിക്കുകയായിരുന്നുവെന്നാണ് പ്രാഥമിക വിവരം. സമീപക്കാലത്ത് പൈലറ്റുമാര്‍ 2019 ജൂലൈയില്‍ രാജി (കൃത്യസമയത്ത് ശമ്പളവും അലവന്‍സും നല്‍കാത്തതിന്) ടെന്‍ഡര്‍ ചെയ്തിരുന്നു. എന്നാല്‍ നിര്‍ബന്ധിത ആറുമാസത്തെ അറിയിപ്പ് കാലയളവിനുള്ളില്‍ ഈ രാജി പിന്‍വലിച്ചിരുന്നു. രാജിക്കത്ത് പിന്‍വലിച്ച തീരുമാനം എയര്‍ ഇന്ത്യ പൈലറ്റുമാരെ അറിയിച്ചിരുന്നതാണ്. എന്നാല്‍ വളരെ പെട്ടെന്നാണ് ഒരു മുന്നറിയിപ്പുമില്ലാതെ ഇവരെ പുറത്താക്കാനുള്ള തീരുമാനം വന്നത്. നടപടി വിവാദമായതോടെ വ്യോമയാന മന്ത്രാലയത്തെ സമീപിക്കുമെന്ന് ഇന്ത്യന്‍ കൊമേഷ്യല്‍ പൈലറ്റ് അസോസിയേഷന്‍ വ്യക്തമാക്കി. കമ്പനിയുടെ പുറത്താക്കല്‍ നടപടി നിയമവിരുദ്ധമാണെന്നും നിലവിലെ നടപടിയില്‍ വിശദമായ അന്വേഷണം വേണമെന്നും ഇവര്‍ ആവശ്യപ്പെട്ടു.

സാമ്പത്തിക പ്രതിസന്ധിയും കൊവിഡ് പകര്‍ച്ചവ്യാധികള്‍ക്കിടയിലുള്ള യാത്രാ നിയന്ത്രണങ്ങള്‍ കാരണം വ്യോമയാന മേഖലയെ സാരമായി ബാധിച്ചു. സാമ്പത്തികം സംരക്ഷിക്കുന്നതിനായി ഇന്ത്യയിലെ നിരവധി വിമാനക്കമ്പനികള്‍ ശമ്പളം വെട്ടിക്കുറയ്ക്കല്‍, ശമ്പളം വെട്ടിക്കുറയ്ക്കല്‍ (എല്‍ഡബ്ല്യുപി), ജീവനക്കാരെ പുറത്താക്കല്‍ എന്നിങ്ങനെയുള്ള ചിലവ് ചുരുക്കല്‍ നടപടികള്‍ സ്വീകരിച്ചു. വ്യോമയാന മേഖലയ്ക്കുണ്ടായ പ്രശ്നങ്ങളും നിലവിലുണ്ട്. സമീപ കാലത്തൊന്നും വിമാന സര്‍വീസുകള്‍ ആരംഭിക്കുമെന്ന് കരുതാന്‍ സാധിക്കില്ല. ഈ ഘട്ടത്തില്‍ ശമ്പളമടക്കമുള്ള വലിയ തുക ചെലവഴിക്കേണ്ടി വരുന്നുണ്ട്. ഇതുമൂലം കമ്പനിക്ക് വലിയ നഷ്ടമാണ് നേരിടേണ്ടിവരുന്നത്. ഈ സാഹചര്യത്തിലാണ് പൈലറ്റുമാരെ പുറത്താക്കാനുള്ള തീരുമാനം ഉണ്ടായതെന്ന് എയര്‍ ഇന്ത്യ പുറത്തിറക്കിയ കുറിപ്പില്‍ വ്യക്തമാക്കുന്നു.