തൃശ്ശൂരില് ആദിവാസി ബാലന് മര്ദ്ദനം: പ്രീ മെട്രിക് ഹോസ്റ്റലിലെ സുരക്ഷാ ജീവനക്കാരന് സസ്പെന്ഷന്
സുരക്ഷാ ജീവനക്കാരന് മധുവിനെയാണ് സസ്പെന്ഡ് ചെയ്തത്. സംഭവത്തെക്കുറിച്ച് മന്ത്രി കെ രാധാകൃഷ്ണന് പട്ടിക വര്ഗ ഡയറക്ടറോട് റിപോര്ട്ട് തേടി.
തൃശൂര്: വെറ്റിലപ്പാറയില് ആദിവാസി ബാലനെ മര്ദ്ദിച്ച സംഭവത്തില് സര്ക്കാര് പ്രീ മെട്രിക് ഹോസ്റ്റലിലെ സുരക്ഷാ ജീവനക്കാരന് സസ്പെന്ഷന്. സുരക്ഷാ ജീവനക്കാരന് മധുവിനെയാണ് സസ്പെന്ഡ് ചെയ്തത്. സംഭവത്തെക്കുറിച്ച് മന്ത്രി കെ രാധാകൃഷ്ണന് പട്ടിക വര്ഗ ഡയറക്ടറോട് റിപോര്ട്ട് തേടി.
വെറ്റിലപ്പാറ സര്ക്കാര് പ്രീ മെട്രിക് ഹോസ്റ്റലില് താമസിച്ചു പഠിക്കുന്ന പത്താംക്ലാസുകാരനെയാണ് സുരക്ഷാ ജീവനക്കാരന് മര്ദ്ദിച്ചത്. സംഭവത്തില് പോലിസിനോടും ജില്ലാ ചൈല്ഡ് പ്രൊട്ടക്ഷന് ഓഫിസറോടും ബാലാവകാശ കമ്മീഷന് റിപോര്ട്ട് തേടിയിട്ടുണ്ട്. സംഭവത്തില് സ്വമേധയാ കേസെടുത്ത എസ്സിഎസ്ടി കമ്മീഷന് ജില്ലാ കലക്ടറോടും എസ്പിയോടും ട്രൈബല് ഓഫിസറോടും റിപോര്ട്ട് തേടി. പോലിസ് കേസെടുക്കുകയും ചെയ്തിരുന്നു.
അടിച്ചില് തൊട്ടി ഊരിലെ കുട്ടിയ്ക്കാണ് മര്ദ്ദനമേറ്റത്. ഇന്നു രാവിലെയായിരുന്നു സംഭവം. ഡസ്കില് തട്ടി പാട്ടുപാടുന്നതിനിടെ പിന്നിലൂടെയെത്തിയ സുരക്ഷാ ജീവനക്കാരനായ മധു എന്നയാള് മുളവടിവച്ച് പുറത്തടിക്കുകയായിരുന്നെന്നാണ് വിദ്യാര്ഥിയുടെ മൊഴി. ആദ്യം ഹോസ്റ്റല് വാര്ഡനോടും പിന്നീട് സ്കൂളിലെത്തി അധ്യാപികയോടും കുട്ടി പരാതി പറഞ്ഞു. സ്കൂള് അധ്യാപിക മാതാപിതാക്കളെ വിളിച്ച് വിവരമറിയിച്ചു. വിദ്യാര്ഥിയെ ആദ്യം വെറ്റിലപ്പാറ പ്രാഥമികാരോഗ്യ കേന്ദ്രത്തിലും പിന്നീട് ചാലക്കുടി താലൂക്ക് ആശുപത്രിയിലുമെത്തിച്ച് ചികിത്സ നല്കി.
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMTകെ കെ ശൈലജക്കെതിരെ സമൂഹമാധ്യമത്തില് അശ്ലീല കമന്റിട്ട...
19 April 2024 10:47 AM GMT