മംഗളൂരു വിമാനത്താവളത്തില് ബോംബ് വച്ച സംഭവം; പ്രതിയെ 10 ദിവസത്തെ പോലിസ് കസ്റ്റഡിയില് വിട്ടു
ഇയാള്ക്ക് മാനസിക രോഗമുണ്ടെന്ന തരത്തിലുള്ള റിപോര്ട്ടുകള് ഇയാളുടെ കുടുംബം നിഷേധിച്ചിരുന്നു. പ്രതി രണ്ടു വര്ഷമായി കുടുംബവുമായി അകന്നു കഴിയുകയാണെന്നും ബന്ധുക്കള് വ്യക്തമാക്കിയിരുന്നു.
മംഗളൂരു: മംഗലാപുരം വിമാനത്താവളത്തില് അത്യുഗ്ര സ്ഫോടന ശേഷിയുളള ബോംബ് വെച്ച സംഭവത്തില് പിടിയിലായ പ്രതി ആദിത്യറാവുവിനെ 10 ദിവസത്തെ പോലിസ് കസ്റ്റഡിയില് വിട്ടു. ഓണ്ലൈന് വഴിയാണ് ബോംബു നിര്മാണത്തിനുള്ള വസ്തുക്കള് വാങ്ങിച്ചതെന്നും യുട്യൂബ് നോക്കിയാണ് ബോംബ് നിര്മിക്കാനുള്ള വിദ്യ പഠിച്ചതെന്നും ഇയാള് വെളിപ്പെടുത്തിയിട്ടുണ്ട്. ആദിത്യ റാവുവിന് ഏതെങ്കിലും സംഘടനയുമായി ബന്ധമുണ്ടെന്ന് കണ്ടെത്താനായിട്ടില്ല.ഓണ്ലൈനില് നിന്ന് സാധനങ്ങള് വാങ്ങി, യുട്യൂബ് നോക്കി ബോംബുണ്ടാക്കാന് സാധിച്ചത് എങ്ങനെയാണെന്നതാണ് പോലിസിനെ കുഴയ്ക്കുന്നത്. ഒപ്പം അതീവ സുരക്ഷാ മേഖലയായ മംഗളൂരു വിമാനത്താവളത്തിന്റെ ടിക്കറ്റ് കൗണ്ടര് വരെ എങ്ങനെ എത്തി എന്നതും പോലിസിനെ അലട്ടുന്ന ചോദ്യമാണ്. അതിതീവ്ര സ്ഫോടനത്തിന് സാധ്യതയുള്ള ബോംബാണ് കണ്ടെത്തിയതെന്ന് ആദ്യഘട്ടത്തില് പോലിസ് പറഞ്ഞിരുന്നു.
വ്യാജരേഖകള് ഉപയാഗിച്ചു നേരത്തെ ഒരു മള്ട്ടി നാഷണല് കമ്പനിയില് ഇയാള് ജോലി നേടിയിരുന്നു. പിടിക്കപ്പെട്ടതോടെ ജോലിയില് നിന്ന് പുറത്താക്കി. പിന്നീട് ഒരു ഹോട്ടലില് ജോലി ചെയ്തുവരികയായിരുന്നു ആദിത്യ റാവു. ബംഗളൂരു വിമാനത്താവളത്തില് ബോംബ് വച്ചെന്ന് വ്യാജ സന്ദേശം നല്കിയ കേസിലും പ്രതിയാണ് ആദിത്യ റാവു. 2018ല് ഈ കേസില് ആറ് മാസം ജയില് ശിക്ഷയും ഇയാള് അനുഭവിച്ചിട്ടുണ്ട്.
അതിനിടെ, ഇയാള്ക്ക് മാനസിക രോഗമുണ്ടെന്ന തരത്തിലുള്ള റിപോര്ട്ടുകള് ഇയാളുടെ കുടുംബം നിഷേധിച്ചിരുന്നു. പ്രതി രണ്ടു വര്ഷമായി കുടുംബവുമായി അകന്നു കഴിയുകയാണെന്നും ബന്ധുക്കള് വ്യക്തമാക്കിയിരുന്നു.
അതേസമയം, മംഗളൂരു വിമാനത്താവളത്തില് സ്ഫോടക വസ്തു വച്ച പ്രതി ആന്ധ്രാ പ്രദേശിലെ കാദ്രി ലക്ഷ്മി നരസിംഹ ക്ഷേത്രത്തില് സ്ഫോടനത്തിന് പദ്ധതിയിട്ടിരുന്നതായി ബിജെപി മുഖപത്രമായ ജന്മഭൂമി റിപോര്ട്ട് ചെയ്തിരുന്നു. സംഭവത്തില് ജൂഡീഷ്യല് അന്വേഷണം ആവശ്യപ്പെട്ട് എസ്ഡിപിഐ ഷിമോഗയിലെ ഡപ്യൂട്ടി കമ്മീഷണറുടെ ഓഫിസിനു മുമ്പില് ധര്ണ സംഘടിപ്പിച്ചിരുന്നു.
RELATED STORIES
ദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMT