വാഹനങ്ങള്‍ കൂട്ടിയിടിച്ച് മൂന്നുമരണം

കണ്ണൂര്‍: ഓട്ടോ ടാക്‌സിയും ബൈക്കും കൂട്ടിയിടിച്ച് കണ്ണൂര്‍ വാരം ചതുരകിണറിനടുത്ത് മൂന്നു മരണം. അര്‍ജുന്‍(9) ആകാശ്(19) പ്രകാശന്‍ (51) എന്നിവരാണ് മരിച്ചത്. ഞായറാഴ്ച രാത്രിയോടെയാണ് സംഭവം. ഗുരുതരമായി പരിക്കേറ്റ ഒരാളെ എകെജി ആശുപത്രിയില്‍ നിന്ന് പരിയാരം മെഡിക്കല്‍ കോളജിലേക്ക് കൊണ്ടുപോയി. മരിച്ചവരില്‍ രണ്ടുപേര്‍ ഏച്ചൂര്‍ സ്വദേശികളും ഒരാള്‍ ഇരിട്ടി സ്വദേശിയുമാണ്. മൊത്തം എട്ടുപേര്‍ക്ക് പരിക്കേറ്റു.