പാസ്സ്പോർട്ടിൽ ഒറ്റപ്പേര് മാത്രം രേഖപ്പെടുത്തിയവർക്ക് യുഎഇലേക്ക് പ്രവേശനം അനുവദിക്കില്ല; യാത്രക്കാർ വലയുന്നു
ദുബൈ: പാസ്സ്പോർട്ടിൽ ഒറ്റപ്പേര് മാത്രം രേഖപ്പെടുത്തിയവർക്ക് യുഎഇലേക്ക് പ്രവേശനം അനുവദിക്കില്ല. റെസിഡന്റ് വിസയിലെത്തുവര്ക്ക് ഇത് ബാധകമല്ല. പാസ്പോര്ട്ടില് ഒറ്റപ്പേര് (സിംഗിള് നെയിം) മാത്രം രേഖപ്പെടുത്തിയ സന്ദര്ശക വിസക്കാര്ക്ക് യുഎഇയിലേക്ക് പ്രവേശനാനുമതി ലഭിക്കില്ലെന്ന് എയര് ഇന്ത്യ എക്സ്പ്രസ് വാര്ത്താ കുറിപ്പില് അറിയിച്ചു.
പാസ്പോര്ട്ടില് സര് നെയിം, ഗിവണ് നെയിം എന്നിവയില് ഏതെങ്കില് ഒരിടത്ത്, ഉദാഹരണമായി പ്രവീണ് എന്ന് മാത്രമാണ് രേഖപ്പെടുത്തിയതെങ്കില് ഇവര്ക്ക് യാത്രാനുമതി ലഭിക്കില്ല. ഗിവണ് നെയിം ആയി പ്രവീണും സര് നെയിമായി കുമാറും ചേര്ത്തിട്ടുണ്ടെങ്കില് യാത്രാനുമതി ലഭിക്കും. അതേപോലെ തന്നെ സര് നെയിം, ഗിവണ് നെയിം എന്നിവയില് എവിടെയെങ്കിലും പ്രവീണ് കുമാര് എന്ന് ചേര്ത്തിട്ടുണ്ടെങ്കിലും ഈ പാസ്പോര്ട്ട് ഉടമയ്ക്ക് യുഎഇയിലേക്ക് പ്രവേശനാനുമതി ലഭിക്കുന്നതാണ്.
പാസ്പോര്ട്ടില് സിങ്കിള് നെയിം (ഒറ്റപ്പേര്) മാത്രമുള്ളവര്ക്ക് യുഎഇയില് സന്ദര്ശക-ടൂറിസ്റ്റ് വിസ അനുവദിക്കില്ലെന്ന് യുഎഇ നാഷണല് അഡ്വാന്സ് ഇന്ഫര്മേഷന് സെന്റര് (എന്എഐസി) അറിയിച്ചിരുന്നു. പാസ്പോര്ട്ടില് ഗിവണ് നെയിമോ സര് നെയിമോ മാത്രം നല്കിയവര്ക്കാണ് തിരിച്ചടിയാകുന്നത്. ഗിവണ് നെയിം എഴുതി സര് നെയിമിന്റെ സ്ഥാനത്ത് ഒന്നും എഴുതിയില്ലെങ്കിലോ സര് നെയിം എഴുതി ഗിവണ് നെയിം ഒന്നും എഴുതാതിരുന്നാലോ യുഎഇ പ്രവേശനം സാധ്യമാകില്ലെന്ന് എയര് ഇന്ത്യ, എയര് ഇന്ത്യ എക്സ്പ്രസ്, ഇന്ഡിഗോ എന്നീ വിമാന കമ്പനികള് അറിയിച്ചിട്ടുണ്ട്.
സാധാരണക്കാരായ പലര്ക്കും നിലവില് സര്നെയിം ഇല്ല. ഇതാണ് പ്രശ്നമായിരിക്കുന്നത്. അന്താരാഷ്ട്ര നിയമമനുസരിച്ചാണ് ഇതെന്നാണ് യു.എ.ഇയുടെ വിശദീകരണം.
RELATED STORIES
ഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT