യുഎസ് ഓപ്പണ്‍; മുറേയ്ക്ക് തോല്‍വി, ഒസാക്ക മുന്നോട്ട്, കൊനാറ്റ പിന്‍മാറി

ന്യൂയോര്‍ക്ക്: യു എസ് ഓപ്പണിന്റെ ആദ്യ റൗണ്ടില്‍ നിന്ന് പുറത്തായി ബ്രിട്ടന്റെ ആന്റി മുറേ. നീണ്ടകാലത്തെ ഇടവേളയ്ക്ക് ശേഷം നടക്കുന്ന ആദ്യ ടൂര്‍ണ്ണമെന്റില്‍ ഗ്രീസിന്റെ സ്റ്റെഫാനോസ് തസ്തിസിപാസിനോടാണ് താരം തോറ്റത്. 112ാം റാങ്കുകാരനായ മുറേയെ 2-6, 7-6, 3-6, 6-3, 6-4 സെറ്റുകള്‍ക്കാണ് ഗ്രീക്ക് താരം തോല്‍പ്പിച്ചത്. ബ്രിട്ടന്റെ ഡാന്‍ ഇവന്‍സ്, റുബ്ലേവ്, ഷ്വാര്‍ട്ട്‌സമാന്‍, ഫെലിക്‌സ് എന്നിവരും അടുത്ത റൗണ്ടില്‍ പ്രവേശിച്ചു.

വനിതാ വിഭാഗത്തില്‍ ജപ്പാന്റെ നയോമി ഒസാക്ക, സിമോണാ ഹാലപ്പ്, സ്‌പെയിനിന്റെ ഗബ്രീന്‍ മുഗുരസ എന്നിവരും അടുത്ത റൗണ്ടില്‍ പ്രവേശിച്ചു. അതിനിടെ പരിക്കിനെ തുടര്‍ന്ന് ബ്രിട്ടന്റെ ഒന്നാം നമ്പര്‍ താരം ജൊഹന്നാ കൊനാറ്റ മല്‍സരത്തില്‍ നിന്ന് പിന്‍മാറി.