യു എസ് ഓപ്പണിന് മുമ്പ് നദാലിന് തിരിച്ചടി; വീണ്ടും പരിക്ക്

സിന്‍സിനാറ്റി: ശനിയാഴ്ച ആരംഭിക്കുന്ന സിന്‍സിനാറ്റി ഓപ്പണില്‍ നിന്ന് പിന്‍മാറി സ്‌പെയിനിന്റെ റാഫേല്‍ നദാല്‍. നേരത്തെയുള്ള കാലിന്റെ പരിക്ക് വീണ്ടും വില്ലനാവുകയായിരുന്നു. ഇതോടെ സിന്‍സിനാറ്റി ഓപ്പണിന് ശേഷം ആരംഭിക്കുന്ന യു എസ് ഓപ്പണില്‍ നദാല്‍ കളിക്കുന്ന കാര്യം സംശയത്തിലാണ്. പരിക്കിനെ തുടര്‍ന്ന് നൊവാക്ക് ജോക്കോവിച്ച്, റോജര്‍ ഫെഡറര്‍, സെറീനാ വില്ല്യംസ്, സോഫിയാ കെനിന്‍ എന്നിവരും ടൂര്‍ണ്ണമെന്റില്‍ നിന്നും വിട്ടുനിന്നിരുന്നു. ഓഗസ്റ്റ് 30നാണ് യു എസ് ഓപ്പണ്‍ ആരംഭിക്കുന്നത്.