പരിക്ക്; റാഫേല്‍ നദാല്‍ 2021 സീസണിന് വിരാമമിട്ടു

മാഡ്രിഡ്: നിരന്തരമായി അലട്ടുന്ന കാലിന്റെ പരിക്കിനെ തുടര്‍ന്ന് മുന്‍ ലോക ഒന്നാം നമ്പര്‍ സ്‌പെയിനിന്റെ റാഫേല്‍ നദാല്‍ യു എസ് ഓപ്പണില്‍ നിന്ന് പിന്‍മാറി. നേരത്തെ സിന്‍സിനാറ്റി ഓപ്പണില്‍ നിന്നും വിംബിള്‍ഡണില്‍ നിന്നും താരം പിന്‍മാറിയിരുന്നു. സീസണില്‍ ശേഷിക്കുന്ന ടൂര്‍ണ്ണമെന്റുകളിലും പങ്കെടുക്കില്ലെന്ന് നദാല്‍ അറിയിച്ചു. കരിയറിലെ ഏറ്റവും വേദനാജനകമായ സമയമാണിതെന്നും പരിക്കില്‍ നിന്നും മോചിതനാവാന്‍ സമയമെടുക്കുമെന്നും നദാല്‍ വ്യക്തമാക്കി. പരിക്കില്‍ നിന്ന് മോചിതനായി അടുത്ത സീസണില്‍ മികച്ച തിരിച്ചുവരവ് നടത്തുമെന്നും അദ്ദേഹം അറിയിച്ചു.