ഖത്തര്‍ ഓപണ്‍; ഹാലപ്പും കെര്‍ബറും സെമിയില്‍

ഖത്തര്‍: ഖത്തര്‍ ഓപണ്‍ വനിതാ സിംഗിള്‍സില്‍ റുമാനിയയുടെ ലോക മൂന്നാം നമ്പര്‍ സിമോണ ഹാലപ്പും ആന്‍ക്വലിക്ക് കെര്‍ബറും സെമി ഫൈനലില്‍ പ്രവേശിച്ചു. ജര്‍മനിയുടെ ജൂലിയാ ഗോര്‍ഗസിനെ 7-6, 7-6 എന്ന സ്‌കോറിനാണ് തോല്‍പ്പിച്ചത്. സെമിയില്‍ ഹാലപ്പ് എലീനാ സുവിറ്റോലിനയെ നേരിടും. സുവിറ്റോലിന ചെക്ക് റിപ്പബ്ലിക്കിന്റെ കരോലിന മുക്കോവയെ 6-4, 6-2ന് തോല്‍പ്പിച്ചു. ചെക്കിന്റെ തന്നെ ബാര്‍ബോറാ സ്‌ട്രൈക്കോവയെ 1-6, 6-2, 7-6 എന്ന സ്‌കോറിന് തോല്‍പ്പിച്ചാണ് കെര്‍ബര്‍ സെമിയില്‍ പ്രവേശിച്ചത്.