കളിമണ്‍ കോര്‍ട്ടില്‍ നദാലിനെ വീഴ്ത്തുന്ന ആദ്യ ടീനേജ് താരമായി അല്‍കാരസ്

മാഡ്രിഡ്: 21 ഗ്രാന്‍സ്ലാം കിരീടം നേടിയ സ്‌പെയിനിന്റെ റാഫേല്‍ നദാലിന് മാഡ്രിഡ് ഓപ്പണില്‍ ഞെട്ടിക്കുന്ന തോല്‍വി. നാട്ടുകാരനായ ടീനേജ് താരം കാര്‍ലോസ് അല്‍കാരസാണ് ക്വാര്‍ട്ടറില്‍ നദാലിനെ വീഴ്ത്തിയത്. കളിമണ്‍ ക്വാര്‍ട്ടറില്‍ ഒരു ടീനേജ് താരത്തിനോട് ആദ്യമായാണ് നദാല്‍ തോല്‍വി വഴങ്ങുന്നത്. സ്‌കോര്‍ 6-2, 1-6, 6-3. സെമിയില്‍ നൊവാക്ക് ജോക്കോവിച്ചാണ് അല്‍കാരസിന്റെ എതിരാളി.പരിക്കിനെ തുടര്‍ന്ന് മാസങ്ങളുടെ ഇടവേളയ്ക്ക് ശേഷം നദാല്‍ തിരിച്ചെത്തിയ ആദ്യ ടൂര്‍ണ്ണമെന്റാണിത്.