മാഡ്രിഡ് ഓപ്പണ്‍ ; ഒന്നാം നമ്പര്‍ ബാര്‍ട്ടിയെ വീഴ്ത്തി സബലെന്‍ങ്കയ്ക്ക് കിരീടം

മാഡ്രിഡ്; മാഡ്രിഡ് ഓപ്പണ്‍ വനിതാ വിഭാഗം സിംഗിള്‍സ് കിരീടം ബെലാറസിന്റെ ആര്യാനാ സബലെന്‍ങ്കയ്ക്ക്. ലോക ഒന്നാം നമ്പര്‍ ആഷ്‌ലി ബാര്‍ട്ടിയെ 6-0, 3-6, 6-4 സെറ്റുകള്‍ക്കാണ് സബലെന്‍ങ്ക തോല്‍പ്പിച്ചത്. രണ്ടാഴ്ച മുമ്പ് സ്റ്റുഗര്‍ട്ട് ഓപ്പണിന്റെ ഫൈനലില്‍ ബാര്‍ട്ടി സബലെന്‍ങ്കയെ തോല്‍പ്പിച്ചിരുന്നു. ഇതിനുള്ള മധുരപ്രതികാരം കൂടിയായിരുന്നു ഈ കിരീടം. രണ്ട് വര്‍ഷത്തിനിടയിലെ ബാര്‍ട്ടിയുടെ ആദ്യ ഫൈനല്‍ തോല്‍വിയാണിത്. റാങ്കിങില്‍ ഏഴാം സ്ഥാനത്താണ് സബലെന്‍ങ്ക.