ലോക ബാഡ്മിന്റണ്‍; പി വി സിന്ധു സെമിയില്‍

ബാസേല്‍: മുന്‍ ലോക ഒന്നാം നമ്പര്‍ താരത്തെ തോല്‍പ്പിച്ച് ഇന്ത്യയുടെ പി വി സിന്ധു ലോക ബാഡ്മിന്റണ്‍ ചാംപ്യന്‍ഷിപ്പ് സെമിയില്‍ പ്രവേശിച്ചു. തായ്‌വാന്റെ തായി സു യിംങിനെയാണ് സിന്ധു തോല്‍പ്പിച്ചത്. 12-21, 23-21, 21-19 സെറ്റുകള്‍ക്കാണ് സിന്ധുവിന്റെ ജയം. തായി സു യിംങ് ലോക രണ്ടാം നമ്പര്‍ താരമാണ്. ആദ്യ സെറ്റ് കൈവിട്ട അഞ്ചാം റാങ്കുകാരിയായ സിന്ധു തുടര്‍ന്നുള്ള രണ്ട് സെറ്റുകള്‍ സ്വന്തമാക്കുകയായിരുന്നു.

ഈ സീസണിലെ രണ്ട് തോല്‍വിക്ക് ശേഷമുളള വമ്പന്‍ തിരിച്ചുവരവാണ് സിന്ധു ലോക ചാംപ്യന്‍ഷിപ്പില്‍ നടത്തിയത്. ഇതിന് മുമ്പ് ഇരുവരും ഏറ്റുമുട്ടിയപ്പോള്‍ 9 തവണ ജയം സിന്ധുവിനൊപ്പവും അഞ്ച് തവണ ജയം തായ് താരതത്തിനൊപ്പമായിരുന്നു. 2017ലും 2018ലും ലോകചാംപ്യന്‍ഷിപ്പിലെ റണ്ണര്‍അപ്പായിരുന്നു സിന്ധു. ലോക ഒന്നാം നമ്പര്‍ പദവി അലങ്കരിച്ചിട്ടുണ്ടെങ്കിലും ഇതുവരെ ലോകചാംപ്യന്‍ഷിപ്പോ, ഒളിംപിക്‌സ് സ്വര്‍ണമോ സിന്ധു നേടിയിട്ടില്ല.