പ്രോ കബഡി ലീഗിന് ഇന്ന് തുടക്കം; ആദ്യ മല്‍സരം ബെംഗളൂരു ബുള്‍സും യു മുംബൈയും തമ്മില്‍

ബെംഗളൂരു: രണ്ട് വര്‍ഷത്തെ നീണ്ട ഇടവേളയക്ക് ശേഷം ഇന്ത്യയില്‍ പ്രോ കബഡി ലീഗിന്റെ ആരവം. കൊവിഡിനെ തുടര്‍ന്ന് ഉപേക്ഷിച്ച രണ്ട് സീസണുകള്‍ക്ക് ശേഷം ഇന്ന്(22-12-21) ബെംഗളൂരുവിലാണ് എട്ടാം സീസണിന് തുടക്കമാവുന്നത്. ആദ്യ മല്‍സരത്തില്‍ ഇന്ന് രാത്രി 7.30ന് ബെംഗളൂരു ബുള്‍സും യു മുംബൈയും ഏറ്റുമുട്ടും. പതിവ് പോലെ 12 ടീമുകള്‍ മാറ്റുരയ്ക്കും.ഇന്ത്യന്‍ താരങ്ങളും ഇറാന്‍ താരങ്ങളുമാണ് പ്രധാനമായും കളിക്കുന്നത്. ജയ്പൂര്‍ പിങ് പാന്തേഴ്‌സ്, ദബാങ് ഡല്‍ഹി കെ സി, തെലുഗു ടൈറ്റന്‍സ്, തമിഴ് തലൈവാസ്, യു പി യോദ്ധാ, പുണെരി പള്‍ട്ടന്‍, ഗുജാറത്ത് ജയന്റസ്, ഹരിയാന് സ്റ്റീലേഴ്‌സ്, ബെഗാള്‍ വാരിയേഴ്‌സ് എന്നിവരാണ് ലീഗില്‍ പരസ്പരം ഏറ്റുമുട്ടുന്നത്.