യൂറോ കപ്പ്; ഇറ്റലിയും വെയ്ല്‍സും നേര്‍ക്കുനേര്‍

റോം: യൂറോ കപ്പില്‍ ഗ്രൂപ്പ് എയില്‍ ഇന്ന് ആദ്യ രണ്ട് സ്ഥാനക്കാര്‍ പരസ്പരം ഏറ്റുമുട്ടും. നേരത്തെ പ്രീക്വാര്‍ട്ടര്‍ ഉറപ്പിച്ച ഇറ്റലിയും നാല് പോയിന്റുള്ള വെയ്ല്‍സുമാണ് ഇന്ന് പോരാടുന്നത്. ഒരു ജയവും ഒരു സമനിലയുമാണ് വെയ്ല്‍സിനുള്ളത്. ഇന്ന് ഒരു സമനില നേടിയാല്‍ വെയ്ല്‍സിന് പ്രീക്വാര്‍ട്ടര്‍ ഉറപ്പിക്കാം. ഇതേ ഗ്രൂപ്പില്‍ നടക്കുന്ന മറ്റൊരു മല്‍സരത്തില്‍ സ്വിറ്റ്‌സര്‍ലാന്റ് തുര്‍ക്കിയെ നേരിടും. സ്വിറ്റ്‌സര്‍ലാന്റിന് ഒരു സമനിലയുണ്ട്. ഒരു സമനില പോലുമില്ലാതെ തുര്‍ക്കി അവസാന സ്ഥാനത്താണ്. രണ്ട് മല്‍സരങ്ങളും രാത്രി 9.30നാണ്. ഇറ്റലിയുടെ മല്‍സരം റോമില്‍ വച്ചും തുര്‍ക്കിയുടെ മല്‍സരം ബാക്കുവിലും നടക്കും.