റൊണാള്ഡോയുടെ ഗോളാഘോഷം അനുകരിച്ച വിയ്റ്റനാം താരത്തിന്റെ കാലിന് ഗുരുതര പരിക്ക്
ഉടന് തന്നെ സ്ട്രച്ചറില് താരത്തെ ആശുപത്രിയില് പ്രവേശിപ്പിക്കുകയായിരുന്നു.
ഹാനോള്: വിയ്റ്റനാമിലെ ഒരു ഫുട്ബോള് ലീഗ് മല്സരത്തില് ട്രാന് എന്ന താരം ലോക ഫുട്ബോളര് ക്രിസ്റ്റിയാനോ റൊണാള്ഡോയുടെ ഗോള് ആഘോഷം അനുകരിച്ച് പുലിവാല് പിടിച്ചിരിക്കുകയാണ്. ഗോള് നേടിയതിന് ശേഷം വിയെറ്റല് എഫ്സി താരമായ ട്രാന് ഈ ആഘോഷം നടത്തി. എന്നാല് ചാടി മൈതാനത്ത് കാലു കുത്തിയപ്പോള് ലിഗമെന്റിന് പരിക്കേറ്റു. പിന്നീട് നടക്കാന് ബുദ്ധിമുട്ടി. ഉടന് തന്നെ പ്രാഥമിക ചികില്സ തേടിയിരുന്നു. തുടര്ന്ന് റോണോയുടെ പുതിയ ഗോള് ആഘോഷവും താരം അനുകരിച്ചു. ഇരുകൈയും നെഞ്ചോട് ചേര്ത്ത് കണ്ണടച്ചായിരുന്നു ഈ ആഘോഷം. എന്നാല് ഇതിന് ശേഷം താരത്തിന് നടക്കാന് കഴിഞ്ഞില്ല. നേരത്തെ ലിഗ്മെന്റിനേറ്റ പരിക്ക് ഗുരുതരമായി. ഉടന് തന്നെ സ്ട്രച്ചറില് താരത്തെ ആശുപത്രിയില് പ്രവേശിപ്പിക്കുകയായിരുന്നു.
ക്രിസ്റ്റിയാനോ റൊണാള്ഡോയുടെ ഗോള്ആഘോഷം ഏറെ വ്യത്യസ്തമാണ്. വായുവിലേക്ക് ഉയര്ന്ന് ചാടി രണ്ട് കൈയ്യും നെഞ്ചിലേക്ക് ഉയര്ത്തി പിന്നീട് കൈ വിടര്ത്തുന്നതാണ് താരത്തിന്റെ ആഘോഷം. ഫുട്ബോളിലെ മിക്ക താരങ്ങളും ഇതിനെ അനുകരിക്കാറുണ്ട്. കുട്ടികളും നിരന്തരമായി അനുകരിക്കാറുണ്ട്.
RELATED STORIES
കൂച്ച്ബിഹാറില് തിരഞ്ഞെടുപ്പ് ഡ്യൂട്ടിയില് ഉണ്ടായിരുന്ന സിആര്പിഎഫ്...
19 April 2024 6:32 AM GMTകോന്നി ഗവ മെഡിക്കല് കോളജ് അത്യാഹിതവിഭാഗത്തിലേക്ക് കാട്ടുപന്നിക്കുഞ്ഞ് ...
19 April 2024 6:30 AM GMTവീട്ടിലെത്തി വോട്ട്: രഹസ്യ സ്വഭാവം കാക്കുന്നതില് വീഴ്ച; പോളിങ്...
19 April 2024 6:08 AM GMTകാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMTപൂരങ്ങളുടെ പൂരമായ തൃശൂർ പൂരത്തിന് തുടക്കമായി
19 April 2024 5:51 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMT