സന്തോഷ് ട്രോഫി; കേരളം സെമി സാധ്യത നിലനിര്‍ത്തി; ഒഡീഷയ്‌ക്കെതിരേ ജയം

ഭുവനേശ്വര്‍:സന്തോഷ് ട്രോഫിയിലെ നിര്‍ണ്ണായക മല്‍സരത്തില്‍ കേരളത്തിന് ആശ്വാസ ജയം. ഒഡീഷയ്‌ക്കെതിരേ ഒരു ഗോളിന്റെ ജയമാണ് കേരളം നേടിയത്. ആദ്യ പകുതിയില്‍ നിജോ ഗില്‍ബര്‍ട്ടാണ് കേരളത്തിനായി സ്‌കോര്‍ ചെയ്തത്. 15ാം മിനിറ്റില്‍ കേരളത്തിന് അനുകൂലമായി പെനാല്‍റ്റി ലഭിച്ചിരുന്നു . പെനാല്‍റ്റിയെടുത്ത നിജോ ലക്ഷ്യം കണ്ടു. നിജോയുടെ ഫൈനല്‍ റൗണ്ടിലെ മൂന്നാം ഗോളാണ്. തോല്‍വിയോടെ ഒഡീഷയുടെ സെമി സാധ്യതകള്‍ അസ്തമിച്ചു.