രോഹിത്ത് ശര്‍മ ലാലിഗ ബ്രാന്റ് അംബാസിഡര്‍

ന്യൂഡല്‍ഹി: സ്പാനിഷ് ലീഗിന്റെ ഇന്ത്യയിലെ ബ്രാന്റ് അംബാസിഡറായി ഹിറ്റ്മാന്‍ രോഹിത് ശര്‍മയെ തിരഞ്ഞെടുത്തു. സ്പാനിഷ് ലീഗിന്റെ ഔദ്യോഗിക ഫെയ്‌സ്ബുക്ക് പേജിലൂടെയാണ് ക്ലബ് വാര്‍ത്ത പുറത്തുവിട്ടത്. ലോകത്തെ പ്രമുഖ ലീഗായ സ്പാനിഷ് ലീഗിന്റെ അംബാസിഡറായി രോഹിത് എത്തിയതോടെ ഇന്ത്യയില്‍ ലീഗിന് വന്‍പ്രചാരണം ലഭിക്കും.

ക്രിക്കറ്റില്‍ നിരവധി റെക്കോഡുകള്‍ ഭേദിച്ച രോഹിത്ത് ശര്‍മ റയല്‍ മാഡ്രിഡിന്റെ ആരാധകനാണ്. ലോകത്ത് ഇംഗ്ലീഷ് പ്രീമിയര്‍ ലീഗും ബുണ്ടസാ ലീഗും കഴിഞ്ഞാല്‍ ഏറ്റവും കൂടുതല്‍ ആരാധകരുള്ളത് സ്പാനിഷ് ലീഗിനാണ്.