ഹാരി കെയ്ന്‍ സിറ്റിയിലേക്കില്ല; സ്പര്‍സില്‍ തുടരും

ലണ്ടന്‍: ഇംഗ്ലണ്ട് ക്യാപ്റ്റന്‍ ഹാരി കെയ്ന്‍ മാഞ്ചസ്റ്റര്‍ സിറ്റിയിലേക്ക് പോകുമെന്ന അഭ്യുഹങ്ങള്‍ക്ക് വിരാമം. താരം ഈ സീസണില്‍ ടോട്ടന്‍ഹാമില്‍ തുടരുമെന്നു അറിയിച്ചു. നേരത്തെ കെയ്ന്‍ സിറ്റിയിലേക്ക് പോകുമെന്ന് റിപ്പോര്‍ട്ടുണ്ടായിരുന്നു. എന്നാല്‍ സിറ്റിയുടെ ഓഫര്‍ സ്പര്‍സിനും താല്‍പ്പര്യമില്ലായിരുന്നു. കൂടാതെ കെയ്‌നിനായി സിറ്റി കാര്യമായ ഇടപെടല്‍ നടത്തിയില്ലെന്നും റിപ്പോര്‍ട്ടുണ്ട്. സിറ്റിയിലേക്ക് പോവുന്നതിനെ തുടര്‍ന്ന് താരം പ്രീമിയര്‍ ലീഗിലെ ആദ്യമല്‍സരത്തില്‍ കളിച്ചിരുന്നില്ല. എന്നാല്‍ രണ്ടാമത്തെ മല്‍സരത്തില്‍ രണ്ടാം പകുതിയില്‍ കെയ്ന്‍ ടീമിനായി കളിച്ചിരുന്നു.