ചെല്‍സിയുടെ ഒലിവര്‍ ജിറൗഡ് ഇനി എസി മിലാന് സ്വന്തം

മിലാന്‍: ചെല്‍സിയുടെ ഫ്രഞ്ച് താരം ഒലിവര്‍ ജിറൗഡ് പുതിയ സീസണില്‍ ഇറ്റാലിയന്‍ ക്ലബ്ബ് എസി മിലാനായി കളിക്കും. രണ്ട് വര്‍ഷത്തെ കരാറിലാണ് താരം ഒപ്പ് വയ്ക്കുക. 2018 ല്‍ ആഴ്‌സണലില്‍ നിന്നും ചെല്‍സിയിലേക്ക് ചേക്കേറിയ ഒലിവര്‍ യൂറോപ്പാ ലീഗ്, എഫ് എ കപ്പ് , യൂവേഫാ ചാംപ്യന്‍സ് ലീഗ് എന്നിവയും നേടിയിട്ടുണ്ട്. എന്നാല്‍ അവസാന സീസണിലെ പല മല്‍സരങ്ങളിലും താരം ബെഞ്ചിലായിരുന്നു. ചെല്‍സിയില്‍ വേണ്ടത്ര അവസരങ്ങള്‍ ലഭിക്കാത്തതിനെ തുടര്‍ന്നാണ് താരം ക്ലബ്ബ് വിടുന്നത്.