നെയ്മറുമായി കരാര്‍ അവസാനിപ്പിച്ചതിന്റെ കാരണം വ്യക്തമാക്കി നൈക്കി

പാരിസ്: ബ്രസീലിയന്‍ സൂപ്പര്‍ താരം നെയ്മറുമായി കരാര്‍ അവസാനിപ്പിച്ചതിന്റെ കാരണം വ്യക്തമാക്കി പ്രമുഖ സ്‌പോര്‍ട്‌സ് ബ്രാന്റായ നൈക്കി. 2016ല്‍ പുറത്ത് വന്ന ലൈംഗികാരോപണ കേസില്‍ താരം സഹകരിക്കാത്തതിനെ തുടര്‍ന്നാണ് കരാര്‍ റദ്ദാക്കിയതെന്ന് നൈക്കി ഇന്ന് വ്യക്തമാക്കി. നൈക്കിയുടെ ജീവനക്കാരിയാണ് ലൈംഗികാരോപണ കേസിലെ പരാതികാരി. തുടര്‍ന്നുള്ള അന്വേഷണത്തില്‍ നെയ്മര്‍ സഹകരിച്ചിരുന്നില്ല. ഇതേ തുടര്‍ന്നാണ് കമ്പനി നെയ്മറുമായുള്ള കരാര്‍ അവസാനിപ്പിച്ചത്. 2020ല്‍ നൈക്കി ഇതിന് പിന്നിലെ കാരണം വെളിപ്പെടുത്തിയിരുന്നില്ല. നീണ്ട 15 വര്‍ഷത്തിന് ശേഷം 2020ലാണ് പിഎസ്ജി താരമായ നെയ്മറുമായി നൈക്കി കരാര്‍ അവസാനിപ്പിച്ചത്. നിലവില്‍ നെയ്മര്‍ പ്യുമയുമായാണ് കരാര്‍. പിഎസ്ജിയ്ക്ക് നിലവില്‍ നൈക്കിയുമായാണ് കരാര്‍ ഉള്ളത്. അതിനിടെ നൈക്കിയുടെ ആരോപണം നെയ്മറുടെ മാനേജര്‍ നിഷേധിച്ചിട്ടുണ്ട്.