ലോകകപ്പ് യോഗ്യത; അര്‍ജന്റീനയ്ക്ക് നാളെ എതിരാളി ഉറുഗ്വെ; മെസ്സി കളിക്കും

ബ്യൂണസ് ഐറിസ്: ലാറ്റിന്‍ അമേരിക്കന്‍ യോഗ്യതാ മല്‍സരത്തില്‍ അര്‍ജന്റീന നാളെ ഉറുഗ്വെയെ നേരിടും. പുലര്‍ച്ചെ 4.30നാണ് മല്‍സരം. ഗ്രൂപ്പില്‍ രണ്ടാം സ്ഥാനത്തുള്ള അര്‍ജന്റീന അപരാജിത കുതിപ്പിലാണ്. എന്നാല്‍ ലോകകപ്പ് യോഗ്യതയ്ക്കായി ഏഴ് മല്‍സരങ്ങളില്‍ നിന്ന് ഒമ്പത് പോയിന്റ് നേടണം. സൂപ്പര്‍ താരം ലയണല്‍ മെസ്സി പരിക്ക് മാറി തിരിച്ചെത്തിയിട്ടുണ്ട്. 18കാരനായ മത്തായിസ് സുളെ നാളെ ടീമിനായി അരങ്ങേറ്റം നടത്തിയേക്കും. ഡി മരിയ, ഏയഞ്ചല്‍ കൊറേ, മാര്‍ട്ടിന്‍സ്, ഡിബാല,റൊഡ്രിഗോ ഡി പോള്‍, പരെഡെസ് എന്നിവരും ആദ്യ ഇലവനില്‍ സ്ഥാനം പിടിച്ചേക്കും.