ലോകകപ്പ് യോഗ്യത; അര്‍ജന്റീനയക്ക് വീണ്ടും സമനില

ബ്യൂണസ് ഐറിസ്; ലാറ്റിന്‍ അമേരിക്കന്‍ ലോകകപ്പ് യോഗ്യതാ മല്‍സരങ്ങളില്‍ അര്‍ജന്റീനയുടെ മോശം ഫോം തുടരുന്നു. കഴിഞ്ഞ മല്‍സരത്തില്‍ ചിലിയോട് സമനില വഴങ്ങിയ അര്‍ജന്റീന ഇന്ന് കൊളംബിയക്കെതിരേയും സമനില വഴങ്ങി.2-2നാണ് അര്‍ജന്റീനയുടെ സമനില. ക്രിസ്ത്യാന്‍ റോമേറോ(3), ലിയനാര്‍ഡോ പരെഡെസ് (8) എന്നിവരാണ് അര്‍ജന്റീനയക്കായി സ്‌കോര്‍ ചെയ്തത്. ആദ്യ പകുതിയില്‍ ലീഡെടുത്തെങ്കിലും പിന്നീട് തിരിച്ചടിക്കാന്‍ അര്‍ജന്റീനയ്ക്കായില്ല. ലൂയിസ് മുറിയേല്‍, മിഖേല്‍ ബോര്‍ഹാ എന്നിവരാണ് കൊളംബിയക്കായി വലകുലിക്കിയവര്‍.