ലീഗ് കപ്പ്; യുനൈറ്റഡിന് ജയം; കോപ്പാ ഡെല്‍ റേയില്‍ ബാഴ്‌സ സെമിയില്‍

ലണ്ടന്‍: ഇംഗ്ലിഷ് ലീഗ് കപ്പ് സെമി ആദ്യ പാദത്തില്‍ നോട്ടിങ്ഹാം ഫോറസ്റ്റിനെതിരേ മാഞ്ചസ്റ്റര്‍ യുനൈറ്റഡിന് ജയം. എതിരില്ലാത്ത മൂന്ന് ഗോളിന്റെ ജയമാണ് യുനൈറ്റഡ് നേടിയത്. റാഷ്‌ഫോഡ്, വെഗ്‌ഹോര്‍സ്റ്റ്, ബ്രൂണോ ഫെര്‍ണാണ്ടസ് എന്നിവരാണ് യുനൈറ്റഡിനായി സ്‌കോര്‍ ചെയ്തത്. ലോകകപ്പിന് ശേഷമുള്ള റാഷ്‌ഫോഡിന്റെ 10ാം ഗോളാണ്. മല്‍സരത്തിലെ പ്ലയര്‍ ഓഫ് ദി മാച്ച് പുരസ്‌കാരം റാഷ്‌ഫോഡിനാണ്.

സ്പാനിഷ് കോപ്പാ ഡെല്‍ റേയില്‍ റയല്‍ സോസിഡാഡിനെ എതിരില്ലാത്ത ഒരു ഗോളിന് പരാജയപ്പെടുത്തി ബാഴ്‌സലോണ സെമിയില്‍ കടന്നു. ഡെംബലേയാണ് ബാഴ്‌സയ്ക്കായി സ്‌കോര്‍ ചെയ്തത്.