ആന്‍ഫീല്‍ഡില്‍ റയല്‍ മാഡ്രിഡിന്റെ ബസ് തകര്‍ത്തു

ആന്‍ഫീല്‍ഡ്: കഴിഞ്ഞ ദിവസം ചാംപ്യന്‍സ് ലീഗ് ക്വാര്‍ട്ടര്‍ മല്‍സരത്തിനായി ആന്‍ഫീല്‍ഡില്‍ എത്തിയ റയല്‍ മാഡ്രിഡ് ടീം ബസ്സിന്റെ ഗ്ലാസ്സുകള്‍ ലിവര്‍പൂള്‍ ആരാധകര്‍ തകര്‍ത്തു. മല്‍സരത്തിന് മുന്നോടിയായി 400 ഓളം പേര്‍ ഗ്രൗണ്ടിന് പുറത്തുണ്ടായിരുന്നു. ഇവരില്‍ ചിലരാണ് ഗ്ലാസ്സുകള്‍ തകര്‍ത്തത്. കുറ്റക്കാര്‍ക്കെതിരേ നടപടിയെടുക്കുമെന്നും സംഭവത്തില്‍ ഖേദിക്കുന്നുവെന്നും ലിവര്‍പൂള്‍ മാനേജ്‌മെന്റ് അറിയിച്ചു. ക്വാര്‍ട്ടറില്‍ പരാജയപ്പെട്ട് ലിവര്‍പൂള്‍ ചാംപ്യന്‍സ് ലീഗില്‍ നിന്നും പുറത്തായിരുന്നു.