സെവിയ്യക്കെതിരേ വമ്പന്‍ ജയം; ലാലിഗയില്‍ ബാഴ്‌സലോണ ടോപ് ഫോറില്‍

ക്യാംപ്‌നൂവ്: സ്പാനിഷ് ലീഗില്‍ തകര്‍പ്പന്‍ ജയത്തോടെ ബാഴ്‌സലോണ രണ്ടാം സ്ഥാനത്തെത്തി. സെവിയ്യയെ എതിരില്ലാത്ത നാല് ഗോളിന് തോല്‍പ്പിച്ചാണ് കറ്റാലന്‍സ് ആദ്യമായി ടോപ് ഫോറിലെത്തിയത്.ലൂയിസ് സുവാരസ്(27), വിദാല്‍ (32), ഡെംബലേ(35), മെസ്സി (78) എന്നിവരാണ് ചാംപ്യന്‍മാര്‍ക്ക് വേണ്ടി ഗോള്‍ നേടിയത്. ബൈസൈക്കിള്‍ ഗോളിലൂടെയാണ് സുവാരസ് ടീമിന് ലീഡ് നല്‍കിയത്. എട്ട് മല്‍സരങ്ങളില്‍ നിന്നായി ബാഴ്‌സയ്ക്ക് 18 പോയിന്റാണുള്ളത്. മല്‍സരത്തില്‍ റൊണാള്‍ഡും ഡെംബലെയും ചുവപ്പ് കാര്‍ഡ് കണ്ട് പുറത്തായി.

ലീഗില്‍ ഇന്ന് നടന്ന അത്‌ലറ്റിക്കോ മാഡ്രിഡ്- റയല്‍ വലാഡോളിഡ് മല്‍സരം ഗോള്‍ രഹിത സമനിലയില്‍ കലാശിച്ചു. മറ്റ് മല്‍സരങ്ങളില്‍ ഗെറ്റാഫെ റയല്‍ സോസിഡാഡിനെ 2-1ന് തോല്‍പ്പിച്ചു. സെല്‍റ്റാ വിഗോ അത്‌ലറ്റിക്കോ ബില്‍ബാവോയെ എതിരില്ലാത്ത ഒരു ഗോളിന് തോല്‍പ്പിച്ചു. എസ്പാനിയോളിനെ മലോര്‍ക്കാ 2-0ത്തിനും തോല്‍പ്പിച്ചു.