സ്പാനിഷ് ലീഗില്‍ റയല്‍ കുതിപ്പിന് എസ്പാനിയോള്‍ ബ്ലോക്ക്

മാഡ്രിഡ്: കഴിഞ്ഞ ജനുവരിക്ക് ശേഷം സ്പാനിഷ് ലീഗില്‍ തോല്‍വിയറിയാതെ കുതിച്ച റയല്‍ മാഡ്രിഡിനെ പരാജയപ്പെടുത്തി എസ്പാനിയോള്‍.കിരീടം പ്രതീക്ഷക്കാരെ 2-1നാണ് എസ്പാനിയോള്‍ മറികടന്നത്. ഡി തോമസ്, വിദാല്‍ എന്നിവരാണ് എസ്പാനിയോളിനായി സ്‌കോര്‍ ചെയ്തത്. റയലിന്റെ ഏക ഗോള്‍ 71ാം മിനിറ്റില്‍ ബെന്‍സിമയുടെ വകയായിരുന്നു. തുടര്‍ന്നും ബെന്‍സിമ ചില അവസരങ്ങള്‍ സൃഷ്ടിച്ചിരുന്നു. തോറ്റെങ്കിലും റയല്‍ ഒന്നാം സ്ഥാനത്ത് തന്നെയാണ്.

മറ്റ് മല്‍സരങ്ങളില്‍ റയല്‍ ബെറ്റിസ് വിയ്യാറയലിനെ എതിരില്ലാത്ത രണ്ട് ഗോളിന് വീഴ്ത്തി. ഗ്രനാഡ സെവിയ്യയെ എതിരില്ലാത്ത ഒരു ഗോളിനും പരാജയപ്പെടുത്തി.