സിക്സ്5സിക്സ് കേരള ബ്ലാസ്റ്റേഴ്സ് എഫ്സിയുടെ ജേഴ്സി, വ്യാപാര പങ്കാളികള്
ടീമിന്റെ ഹോം-എവേ കിറ്റ്, പ്രാക്ടീസ് കിറ്റ്, ആരാധകര്ക്കുള്ള മുഴുവന് ഉല്പന്നങ്ങള് എന്നിവയും സിക്സ്5സിക്സ് രൂപകല്പന ചെയ്യും
കൊച്ചി: ഇന്ത്യന് സൂപ്പര് ലീഗിന്റെ അടുത്ത മൂന്നു സീസണുകളിലേക്കുള്ള (2021-23) കേരള ബ്ലാസ്റ്റേഴ്സ് എഫ്സിയുടെ ഔദ്യോഗിക ജേഴ്സി, വ്യാപാര പങ്കാളികളായി ഡല്ഹി ആസ്ഥാനമായി പ്രവര്ത്തിക്കുന്ന സ്പോര്ട്സ് ബ്രാന്ഡായ സിക്സ്5സിക്സ് നെ പ്രഖ്യാപിച്ചു. ടീമിന്റെ ഹോം-എവേ കിറ്റ്, പ്രാക്ടീസ് കിറ്റ്, ആരാധകര്ക്കുള്ള മുഴുവന് ഉല്പന്നങ്ങള് എന്നിവയും സിക്സ്5സിക്സ് രൂപകല്പന ചെയ്യും.
കമ്പനിയുടെ സ്പോര്ട്സ് വെയര് വിഭാഗമായ സിക്സ്5സിക്സ് സ്പോര്ട്ട്, തുടക്കം മുതലുള്ള ചുരുങ്ങിയ സമയത്തിനുള്ളില് ഇന്ത്യന് ദേശീയ ഫുട്ബോള് ടീമുമായി കരാറിലെത്തിയിരുന്നു. ആരാധകര്ക്ക് അവരുടെ വീട്ടിലിരുന്ന് തന്നെ സ്വന്തം കിറ്റ് രൂപകല്പന ചെയ്യാനും, രണ്ടാഴ്ച്ചയ്ക്കകം അത് ഡെലിവറിയായി ലഭിക്കാനും ഉതകുന്ന രീതിയിലുള്ള ഒരു ആപ്ലിക്കേഷന്, ബ്രാന്ഡ് ഉടനെ അവതരിപ്പിക്കും.
ക്ലബിന് സവിശേഷത നല്കുന്ന ഒന്നാണ് ജേഴ്സിയെന്നും, മഞ്ഞനിറം കേരളത്തിലും രാജ്യത്തുടനീളവും പ്രതിഫലിക്കുകയാണെന്നും കേരള ബ്ലാസ്റ്റേഴ്സ് എഫ്സി ഡയറക്ടര് നിഖില് ഭരദ്വാജ് പറഞ്ഞു. സിക്സ്5സിക്സ് പോലുള്ള ഒരു ഹോംബ്രാന്ഡുമായി പങ്കാളിത്തത്തില് ഏര്പ്പെടുന്നതില് തങ്ങള്ക്ക് സന്തോഷമുണ്ടെന്നും അദ്ദേഹം കൂട്ടിച്ചേര്ത്തു.
ഐഎസ്എലിന്റെ വരാനിരിക്കുന്ന സീസണ് ആരംഭിക്കുന്നതിന് മുമ്പായി പുതിയ കിറ്റുകള് എത്തുമെന്നാണ് പ്രതീക്ഷിക്കുന്നത്. ക്ലബിന്റെ ധാര്മികതയുടെയും, സിക്സ്5സികസിന്റെ തനതായ ഡിസൈന് ഭാഷയുടെയും സവിശേഷമായ പ്രകടനമായിരിക്കും കിറ്റുകള്. ബ്രാന്ഡിന്റെ വെബ്സൈറ്റായ www.six5sixsport.com വഴിയും കേരളത്തിലെ തിരഞ്ഞെടുക്കപ്പെട്ട റീട്ടെയില് വ്യാപാരികള് വഴിയും പുതിയ കിറ്റുകള് ലഭ്യമാവും.
കേരള ബ്ലാസ്റ്റേഴ്സ് എഫ്സിയുമായി ചേരുന്നത് തങ്ങളെ ആവേശഭരിതരാക്കുന്നുവെന്ന് സിക്സ്5സിക്സ് സഹസ്ഥാപകനും സിഇഒയുമായ അംബര് അനേജ പറഞ്ഞു.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT