ജൂലിയന്‍ നഗ്ലസ്മാന്‍ ബയേണ്‍ മ്യൂണിക്ക് കോച്ച്

ബെര്‍ലിന്‍: മുന്‍ ജര്‍മ്മന്‍ താരം ജൂലിയന്‍ നഗ്ലസ്മാന്‍ ബയേണ്‍ മ്യൂണിക്കിന്റെ കോച്ചാവും.നിലവിലെ കോച്ച് ഹാന്‍സി ഫ്‌ളിക്ക് ഈ സീസണോടെ ക്ലബ്ബ് വിടുമെന്ന് നേരത്തെ പ്രഖ്യാപിച്ചിരുന്നു. തല്‍സ്ഥാനത്തേക്കാണ് ആര്‍ബി ലെപ്‌സിഗ് കോച്ചായ നഗ്ലസ്മാന്‍ വരുന്നത്. 33 കാരനയ നഗ്ലസ്മാന്‍ 2019 മുതല്‍ ലെപ്‌സിഗിനെ പരിശീലിപ്പിക്കുന്നുണ്ട്. ജര്‍മ്മന്‍ ബുണ്ടസാ ലീഗില്‍ മികച്ച ലീഡോടെ ലെപ്‌സിഗ് രണ്ടാം സ്ഥാനത്താണ്. ഈ വര്‍ഷം ചാംപ്യന്‍സ് ലീഗിലെ അവസാന 16ലും ക്ലബ്ബ് ഇടം നേടിയിരുന്നു. 28ാം വയസ്സിലാണ് നഗ്ലസ്മാന്‍ ഹൊഫെനഹിമ്മിന്റെ കോച്ചായി കരിയര്‍ ആരംഭിച്ചത്. അഞ്ച് വര്‍ഷത്തേക്കാണ് ബയേണുമായി കരാര്‍.