ഐഎസ്എല്ലില്‍ മുംബൈ സിറ്റി ഇന്ന് ഹൈദരാബാദിനെതിരേ; ഫലം ബ്ലാസ്റ്റേഴ്‌സിന് നിര്‍ണ്ണായകം

പനാജി: ഐഎസ്എല്ലില്‍ ഇന്ന് നടക്കുന്ന ഗ്ലാമര്‍ പോരാട്ടത്തില്‍ മൂന്നാം സ്ഥാനത്തുള്ള ഹൈദരാബാദ് എഫ്‌സി അഞ്ചാം സ്ഥാനത്തുള്ള മുംബൈ എഫ് സിയെ നേരിടും. ഇരുവരുടെയും ലീഗ് റൗണ്ടിലെ അവസാന മല്‍സരമാണ്. ഇന്ന് മുംബൈ സിറ്റി തോറ്റാല്‍ കേരളാ ബ്ലാസ്‌റ്റേഴ്‌സിന് സെമി ഉറപ്പിക്കാം. മുംബൈ ജയിക്കുന്ന പക്ഷം കേരളത്തിന് നാളെ നടക്കുന്ന അവസാന മല്‍സരത്തിലെ ഗോവയുമായുള്ള ഫലത്തിനായി കാത്തിരിക്കണം. നാളെ ഗോവയുമായി സമനിലയില്‍ പിരിഞ്ഞാലും കേരളത്തിന് സെമി പ്രതീക്ഷയുണ്ട്. മല്‍സരം രാത്രി 9.30നാണ്. ഇന്ന് 7.30ന് നടക്കുന്ന മല്‍സരത്തില്‍ ബെംഗളൂരു എഫ് സി ഈസ്റ്റ് ബംഗളാനെ നേരിടും.